പ്രണയവിലാസം എന്ന സിനിമയിലൂടെ പ്രേക്ഷകഹൃദയം കീഴടക്കിയ നടനാണ് ഹക്കീം ഷാ. അടുത്തിടെ ക്ലബ് എഫ് എമ്മിന് നല്‍കിയ ഒരു അഭിമുഖത്തില്‍ ഹക്കീം താന്‍ മുമ്പ് ചെയ്ത സിനിമകളെ കുറിച്ച് അദ്ദേഹം സംസാരിച്ചിരുന്നു. അതില്‍ ദുല്‍ഖര്‍ സല്‍മാന്‍ നായകനായ ചാര്‍ലി എന്ന ചിത്രത്തില്‍ അഭിനയിച്ചതിനെ കുറിച്ചും ഹക്കീം വെളിപ്പെടുത്തിയിരുന്നു.
ദുല്‍ഖറിന് ഡ്യൂപ്പായി ചിത്രത്തില്‍ അഭിനയിച്ചതിനെ കുറിച്ചാണ് ഹക്കീം പറഞ്ഞത്. ‘ദുല്‍ഖറിന്റെ അതേ ഫിഗറും അതേ ഹൈറ്റും ഉള്ള ഒരാള്‍ വേണം, ഷോള്‍ഡറിന് സജഷന്‍ കൊടുക്കാന്‍ ഒക്കെ കൃത്യമായ ഒരാള്‍. ദുല്‍ഖര്‍ ഇല്ലാത്ത സാഹചര്യങ്ങളില്‍ വണ്ടി ഓടിച്ചു പോകുന്ന സീന്‍ ഒക്കെ വരുമ്പോള്‍ ദുല്‍ഖര്‍ ആണെന്ന് തോന്നണം അതിനു പറ്റിയ ഒരാള്‍ ഞാന്‍ ആയിരുന്നു ഭാഗ്യം കൊണ്ട്,’
‘ഞാന്‍ ബൈക്ക് ഓടിച്ചു പോകുമ്പോള്‍ ആളുകള്‍ വിചാരിക്കും ദുല്‍ഖര്‍ ആണെന്ന്. കാരണം ഇതെല്ലാം വൈഡ് ഷോട്ടുകള്‍ ആണ്. ഇതിനൊന്നും ദുല്‍ഖറിന്റെ ആവശ്യം ഇല്ല. അങ്ങനെ ദുല്‍ഖറിന് പാക്കപ്പ് പറഞ്ഞതിന് ശേഷം എടുത്ത ഇതുപോലെ ഉള്ള സീനുകളില്‍ എല്ലാം ഞാന്‍ ആയിരുന്നു,’
‘ചാര്‍ളിയില്‍ ഏകദേശം 60 ഷോട്ടില്‍ ഞാന്‍ ഉണ്ട്, ഇങ്ങനെ ദുല്‍ഖറിന് പകരക്കാരനായി. കുതിരയുടെ കൂടെ ഓടുന്ന സീന്‍ ഉണ്ട്, അന്ന് ദുല്‍ഖറിന്റെ കാലിന് സുഖമില്ലാതെ ഇരിക്കുക ആയിരുന്നു. ഓടാന്‍ പറ്റില്ലായിരുന്നു, കുതിരയുടെ ഒപ്പം ഓടിയെത്തണ്ടേ, രണ്ടും കല്‍പ്പിച്ച് ഞാന്‍ ഓടി. സിനിമയുടെ ആദ്യം ദുല്‍ഖറിന്റെ ഒപ്പം ടെസ ബൈക്കില്‍ വന്നിറങ്ങുന്ന സീനില്‍ ഒക്കെ ദുല്‍ഖറിന് പകരം ഞാന്‍ ആണ്,’ ഹക്കീം ഷാ പറയുന്നു.
Read more
രസകരമായ കമന്റുകളാണ് വീഡിയോക്ക് താഴെ വരുന്നത്. അപ്പോള്‍ ചാര്‍ളി ഇങ്ങേരുടെ പടം ആണല്ലേ എന്നൊക്കെയാണ് കമന്റുകള്‍.
