താന്‍ സജീവമായിരുന്ന കാലത്തെ പോലെയല്ല ഇന്നത്തെ സിനിമയിലെ കോമഡികള്‍ എന്ന് ഹരിശ്രീ അശോകന്‍. തനിക്ക് വന്ന സിനിമകള്‍ ഇഷ്ടമാവാത്തത് കൊണ്ടാണ് ഒഴിവാക്കി വിട്ടത്. തന്നോട് ഒരു സംവിധായകന്‍ അശ്ശീല കോമഡി പറയാന്‍ പറഞ്ഞിരുന്നു എന്നാണ് ഹരിശ്രീ അശോകന്‍ പറയുന്നത്.

പണ്ട് താന്‍ സജീവമായ കാലത്തെ പോലെ അല്ല ഇന്നത്തെ സിനിമകള്‍. മൂന്ന് സിനിമകളുടെ കഥ തന്നോട് പറഞ്ഞു. പക്ഷേ തനിക്ക് ഇഷ്ടമായില്ല. ഒരു സിനിമ എന്ന നിലയില്‍ അതിലെ കഥാപാത്രങ്ങളും കഥയും ഇഷ്ടപ്പെട്ടില്ല. കോമഡി തനിക്ക് അത്രയും ഇഷ്ടമുള്ളതാണ്.

സീരിയസ് വേഷങ്ങള്‍ ഇപ്പോള്‍ ചെയ്യുന്നുണ്ടെന്ന് വച്ച് കോമഡി ചെയ്യാതിരിക്കില്ല. നല്ല കോമഡികള്‍ വന്നാല്‍ ചെയ്യും. തനിക്ക് വന്ന കഥകള്‍ ഇഷ്ടമാവാത്തത് കൊണ്ടാണ് ഒഴിവാക്കിയത്. കോമഡിയില്‍ നിന്നും മനപൂര്‍വ്വം മാറിയതല്ല. പണ്ട് ഞാന്‍ ഓടി നടന്ന് സിനിമകള്‍ ചെയ്യാറുണ്ടായിരുന്നു. ഇന്ന് അങ്ങനെ ചെയ്യുന്നില്ല.

ഒരു ദിവസം മൂന്ന് സിനിമയിലൊക്കെ മുമ്പ് അഭിനയിച്ചിട്ടുണ്ട്. ഇന്ന് അതിന് പറ്റുന്നില്ല. അടുത്ത കാലത്തായി കുറച്ചെങ്കിലും കോമഡിയുള്ള കഥാപാത്രത്തെ ഞാന്‍ ചെയ്തത് ‘പ്രിയന്‍ ഓട്ടത്തിലാണ്’ എന്ന സിനിമയില്‍ ആണ്. പണ്ടത്തെ ബഹളന്‍ കോമഡികള്‍ ഇന്നില്ല. സിമ്പിളായ കോമഡികളാണ് ഉള്ളത്.

വളരെ നാച്ചുറലായിട്ടാണ് ഇന്നത്തെ കോമഡികള്‍ ഉള്ളത്. കാലഘട്ടത്തിന് അനുസരിച്ച് ഇന്നത്തെ കോമഡികളില്‍ മാറ്റമുണ്ട്. ഒരിക്കല്‍ തന്നോട് ഒരു സംവിധായകന്‍ അശ്ലീല കോമഡി പറയാന്‍ പറഞ്ഞിരുന്നു. അത് വേണോ ഒഴിവാക്കിക്കൂടെയെന്ന് താന്‍ ചോദിച്ചു. അതിന്റെ ഫലമായി അത് മാറ്റി എന്നാണ് ഹരിശ്രീ അശോകന്‍ പറയുന്നത്.