ടെലിവിഷന്‍ പ്രേക്ഷകരുടെ പ്രിയ താരമാണ് കാര്‍ത്തിക് പ്രസാദ് . മൗനരാഗം സീരിയലിലെ ബൈജു എന്ന കഥാപാത്രത്തെ അവതരിപ്പിക്കുന്ന നടന് ആരാധകര്‍ ധാരാളമുണ്ട്. ഇപ്പോഴിതാ തുടക്കകാലത്ത് തനിക്കുണ്ടായ ഒരു ദുരനുഭവം പങ്കുവെച്ചിരിക്കുകയാണ് നടന്.
ഒരുപാട് പേര്‍ നമ്മള്‍ അംഗീകരിക്കുന്നുണ്ടെങ്കിലും ചിലര്‍ അവഗണിക്കും. അത് വല്ലാത്ത വേദനയാണ്. സീരിയലിന്റെ തുടക്കകാലത്ത് ഒരു അനുഭവം ഉണ്ടായി. ഞാന്‍ ചെയ്യുന്ന സീരിയലിന്റെ അസിസ്റ്റന്റ് ഡയരക്ടര്‍ വിളിച്ചിട്ട് ഒരു സിനിമയുടെ പൂജയ്ക്ക് പോയതായിരുന്നു. ചടങ്ങുകള്‍ നടക്കുമ്പോള്‍ എല്ലാം ഞാന്‍ അവിടെയുണ്ട്.
ഫോട്ടോ എടുക്കാന്‍ നേരം അദ്ദേഹം വിളിച്ചിട്ട് ഞാന്‍ പോയി നിന്നു. അപ്പോള്‍ പിന്നില്‍ നിന്ന്, ‘ഇയാളെയൊക്കെ ആരാണ് വിളിച്ചത്, വലിഞ്ഞ് കയറി വന്നിരിയ്ക്കുന്നു, നിനക്കിതിന്റെ ആവശ്യമുണ്ടോ’ എന്നൊക്കെ ചോദിയ്ക്കുന്നത് എനിക്ക് കേള്‍ക്കാമായിരുന്നു.
പെട്ടന്ന് ഞാന്‍ വല്ലാതെയായി. പതിയെ പിന്നോട്ട് വന്ന് അവിടെ നിന്ന് അറിയാത്ത ഭാവം ഇറങ്ങി പോരുകയായിരുന്നു. കാര്‍ത്തിക് പറഞ്ഞു.