അവതരിപ്പിക്കുന്ന വ്യത്യസ്തമായ കഥാപാത്രങ്ങൾ കൊണ്ടും നിലപാടുകൾ കൊണ്ടും എപ്പോഴും ശ്രദ്ധിക്കപ്പെടുന്ന താരമാണ് ശ്വേത മേനോൻ. അത്തരത്തിൽ ശ്വേത മേനോന്റെ കരിയറില്‍ ഏറ്റവും കൂടുതല്‍ ചര്‍ച്ച ചെയ്യപ്പെട്ട ചിത്രമാണ് ‘കളിമണ്ണ്’. ചിത്രത്തിനായി സ്വന്തം പ്രസവം ഷൂട്ട് ചെയ്ത ശ്വേതയ്‌ക്കെതിരെ കടുത്ത രീതിയിലുള്ള വിമര്‍ശനങ്ങള്‍ ഉയര്‍ന്നിരുന്നു. എന്നാൽ അതിനെയൊന്നും ശ്വേത മേനോൻ വക വെച്ചിരുന്നില്ല.
ഇപ്പോഴിതാ തന്റെ ഭർത്താവായ ശ്രീവത്സൻ മേനോനെ കുറിച്ചും തങ്ങളുടെ ബന്ധത്തെ കുറിച്ചും മനസ്സ് തുറക്കുകയാണ് ശ്വേത മേനോൻ.
“കല്ല്യാണത്തിന് മുൻപ് ഞാനായിരുന്നു കൂടുതൽ റൊമാന്റിക് ആയി സംസാരിച്ചിരുന്നത്. കൊഞ്ചിക്കാനും, കൊഞ്ചിക്കപ്പെടാനും എനിക്ക് ഭയങ്കര ഇഷ്ടമാണ്. ശ്രീ എന്നെ അമ്മു എന്നാണ് വിളിക്കുന്നത്. ഞാൻ ശ്രീയെ വിളിക്കുന്നത് കണ്ണാ എന്നും. അമ്മു കണ്ണന്റെ എന്താണെന്ന് ചോദിക്കുമ്പോൾ ശ്രീ പറയും മുത്താണെന്ന്. കണ്ണൻ അമ്മുവിന്റെ എന്താണെന്ന് ചോദിക്കുമ്പോൾ പണ്ടൊക്കെ കണ്മണി എന്ന് പറയുമായിരുന്നു. ഇപ്പോ ഒന്നും പറയുന്നില്ല. ഞാൻ ഇത് എപ്പോഴും പറയുന്ന കാര്യമായത് കൊണ്ട് പുള്ളിക്ക് പ്രത്യേകിച്ച് പുതുമയൊന്നുമില്ല.
കൂടാതെ ജീവിതത്തിൽ സിംഗിളായി ഇരിക്കുന്നതാണ് ഏറ്റവും വലിയൊരു അനുഗ്രഹം. കല്ല്യാണം കഴിച്ചു കഴിഞ്ഞാലും അതൊരു ഭാരമായി എടുക്കാതെ സിംഗിൾ ആണെന്ന ഫീൽ എപ്പോഴും വെക്കണം.” സ്റ്റാർ മാജിക്കിലായിരുന്നു ശ്വേത മേനോൻ ഇങ്ങനെ അഭിപ്രായപ്പെട്ടത്.
2021 ൽ പുറത്തിറങ്ങിയ ‘ബ്ലാക്ക് കോഫി’ എന്ന ചിത്രമാണ് ശ്വേത മേനോന്റെ അവസാനം പുറത്തിറങ്ങിയ ചിത്രം. ടെലിവിഷൻ രംഗത്തെ നിരവധി പരിപാടികളിലൂടെയും സജീവമാണ് ഇപ്പോൾ ശ്വേത മേനോൻ