താന്‍ മോഹന്‍ലാലിന്റെ വലിയ ആരാധകനാണെന്ന് പൃഥിരാജ്. ലാലേട്ടനും ഞാനും ഒരേ ബില്‍ഡിങ്ങിലാണ് ഇപ്പോള്‍ താമസിക്കുന്നത്. ഇടയ്ക്കിടയ്ക്ക് കാണാറുണ്ട്. ലാലേട്ടനെ ഇഷ്ടമാണെങ്കിലും എനിക്ക് ലാലേട്ടനാകേണ്ട. ഭയങ്കര ആരാധനയുളള ആള്‍ക്കാരെ ദൂരെ നിന്ന് കാണുമ്പോഴാണ് നമുക്ക് സന്തോഷം. എനിക്ക് അതാണ് ഇഷ്ടം.
മമ്മൂട്ടിയെയും അതുപോലെയാണ്. ലാലേട്ടനെയും മമ്മൂക്കയെയും രഹസ്യമായിട്ടെങ്കിലും ആരാധിക്കാത്ത മലയാളികള്‍ ഉണ്ടെന്ന് തോന്നുന്നില്ലന്നും പൃഥി പറയുന്നു. വിമാനം പറപ്പിക്കുന്നതിനെ കുറിച്ചുള്ള സിനിമയല്ല വിമാനം. രണ്ടു കാലഘട്ടങ്ങളില്‍ നടക്കുന്ന സിനിമയാണിത്. ലൂസിഫര്‍റിന്റെ തിരക്കഥ രചനയിലാണ്.
യാത്രകള്‍ ഒരുപാട് ഇഷ്ടപ്പെടുന്ന വ്യക്തിയാണ് താനെന്നും പൃഥ്വി പറഞ്ഞു.
“”ലോകത്ത് കണ്ടിട്ടില്ലാത്ത എല്ലാ സ്ഥലങ്ങളിലേക്കും യാത്ര ചെയ്യണമെന്ന് ആഗ്രഹമുണ്ട്. എന്നാലെനിക്ക് ഇഷ്ടമുളളത്രയും സമയം യാത്ര ചെയ്യാന്‍ കിട്ടാറില്ല. സിനിമയ്ക്ക് സമയം കുറച്ചിട്ട് യാത്രയ്ക്ക് സമയം കൂട്ടണമെന്ന് വര്‍ഷങ്ങളായി വിചാരിക്കാറുണ്ട്. പക്ഷേ ഇതുവരെ നടന്നിട്ടില്ലന്നും പൃഥ്വിരാജ് അഭിമുഖത്തില്‍ വ്യക്തമാക്കി. തന്റെ മകള്‍ അലംകൃത അഭിനയരംഗത്തേക്ക് വരാന്‍ തീരുമാനിക്കുകയാണെങ്കില്‍ എതിര്‍ക്കില്ല.
Read more
അവള്‍ക്ക് എന്താകണമെന്ന് അവള്‍ തന്നെ തീരുമാനിക്കും മകള്‍ക്ക് ഇഷ്ടമുള്ളത് ചെയ്യാന്‍ അനുവാദം നല്‍കിയിട്ടുണ്ട്. ഉടന്‍ തന്നെ പുതിയ നിര്‍മാണ കമ്പനി തുടങ്ങാന്‍ ആലോചിക്കുന്നുണ്ടെന്നും പൃഥിരാജ് പറഞ്ഞു.
