ഇന്ത്യന്‍ സിനിമാ ചരിത്രത്തിലെ ഏറ്റവും വലിയ ഹിറ്റുകളിലൊന്നായിരുന്നു 2004ല്‍ പുറത്തിറങ്ങിയ ധൂം. ജോണ്‍ എബ്രഹാം, അഭിഷേക് ബച്ചന്‍, ഉദയ് ചോപ്ര, ഇഷ ഡിയോള്‍, റിമി സെന്‍ എന്നിവരായിരുന്നു ഈ സിനിമയില്‍ പധാന കഥാപാത്രങ്ങളെ അവതരിപ്പിച്ചത്.
ഇപ്പോഴിതാ ഈ സിനിമയുമായി ബന്ധപ്പെട്ടുണ്ടായ ഒരു അനുഭവം പങ്കുവയ്ക്കുകയാണ് ഇഷ ഡിയോള്‍. സിനിമയില്‍ ബിക്കിനി ധരിക്കണമെന്ന് നിര്‍മ്മാതാവ് ആദിത്യ ചോപ്ര ആവശ്യപ്പെട്ടു. മറുപടി പറയാന്‍ ഒരു ദിവസം ആവശ്യമാണെന്നും, ഇക്കാര്യത്തില്‍ അമ്മ ഹേമമാലിനിയുടെ അനുമതി തനിക്ക് നേടേണ്ടതുണ്ടെന്നും ഇഷ നിര്‍മ്മാതാവിനെ അറിയിച്ചു.
തുടര്‍ന്ന് വീട്ടിലെത്തിയ താന്‍ വളരെ പേടിച്ചാണ് കാര്യം അമ്മയോട് പറഞ്ഞത്. എന്നാല്‍ തന്നെ അത്ഭുതപ്പെടുത്തുന്നതായിരുന്നു അമ്മയുടെ പ്രതികരണമെന്ന് ഇഷ ഓര്‍ക്കുന്നു. ”ബിക്കിനി ധരിക്കണമെന്നാണെങ്കില്‍ ധരിക്കണം, അതിനെന്താണ് എന്നാണ് അമ്മ ചോദിച്ചതത്രേ.
നീ നിന്റെ സുഹൃത്തക്കളോടൊപ്പം സമയം ചെലവഴിക്കുമ്പോള്‍ ബിക്കിന് ധരിക്കുന്നതല്ലേ? ഇപ്പോള്‍ സിനിമയ്ക്ക് അത് ആവശ്യമാണെങ്കില്‍ ആയിക്കോളൂ. പക്ഷേ നന്നായിരിക്കണമെന്ന് മാത്രം. ഇതായിരുന്നു അമ്മയുടെ മറുപടി”. ഇഷ പറഞ്ഞു.
2002ല്‍ അഭിനയരംഗത്തെത്തിയ ഇഷ വിവാഹ ശേഷം സിനിമാരംഗത്ത് നിന്ന് ഇടവേളയെടുത്തിരിക്കുകയാണ് 2012ല്‍ ആയിരുന്നു ഭരത് തക്താനിയുമായുള്ള വിവാഹം.