രഞ്ജിത് സംവിധാനം ചെയ്ത് മോഹന്‍ലാല്‍ നായകനായി പുറത്തിറങ്ങിയ റോക്ക് ആന്റ് റോള്‍ എന്ന ചിത്രത്തിലൂടെ മലയാളത്തിലേക്ക് അരങ്ങേറ്റം കുറിച്ച് മലയാളി പ്രേക്ഷകരുടെ മനംകവര്‍ന്ന നായികയായിരുന്നു റായ് ലക്ഷ്മി. മോഹന്‍ലാലിന്റെ നായികയായി കടന്നുവന്ന താരം പിന്നീട് അണ്ണന്‍തമ്പി, ചട്ടമ്പിനാട് തുടങ്ങിയ ചിത്രങ്ങളിലൂടെ മമ്മൂട്ടിയുടെ നായികയായും വെള്ളിത്തിരയില്‍ തിളങ്ങിയിരുന്നു.
തെന്നിന്ത്യന്‍ സിനിമാലോകത്ത് ഏറെ ആരാധകരുള്ള താരത്തിന്റെ ഏറ്റവും പുതിയ മലയാള ചിത്രം ഡിഎന്‍എയാണ്. ഒരു ഇടവേളയ്ക്ക് ശേഷം പ്രിയനടി മലയാളത്തിലേക്ക് കടന്നുവരുന്നതും ഡിഎന്‍എയിലൂടെയാണ്. മലയാളത്തില്‍ തന്റെ കരിയറിന്റെ തുടക്ക കാലത്ത് ഒരു നടനുമായി അഭിനയിച്ചതിന്റെ അനുഭവങ്ങള്‍ പങ്കുവയ്ക്കുകയാണ് റായ് ലക്ഷ്മി.
ഒപ്പം അഭിനയിക്കുമ്പോള്‍ പലപ്പോഴും ആ നടന്റെ മുഖത്ത് നോക്കാന്‍ സാധിക്കുമായിരുന്നില്ല. കോമ്പിനേഷന്‍ രംഗങ്ങളില്‍ റായ് ലക്ഷ്മിയ്ക്ക് ആ നടന്റെ മുഖത്ത് നോക്കാന്‍ സാധിക്കാതിരുന്നതിനെ കുറിച്ചും മറ്റെങ്ങോട്ടെങ്കിലും നോക്കി അഭിനയിക്കേണ്ടിവന്നതിനെ കുറിച്ചും പറഞ്ഞത് സാമൂഹ്യ മാധ്യമങ്ങളില്‍ വൈറലായിട്ടുണ്ട്.
ചട്ടമ്പിനാട്, അണ്ണന്‍തമ്പി തുടങ്ങിയ ചിത്രങ്ങളുടെ സെറ്റിലെ അനുഭവങ്ങളെ കുറിച്ചായിരുന്നു ലക്ഷ്മി പറഞ്ഞത്. വെഞ്ഞാറമൂട് സുരാജിനൊപ്പം അഭിനയിക്കുമ്പോള്‍ താരം നേരിട്ട വെല്ലുവിളികളാണ് ഇപ്പോള്‍ തുറന്നുപറഞ്ഞിരിക്കുന്നത്. സെറ്റില്‍ മുഴുവന്‍ തമാശയും കളിചിരിയുമായി നടക്കുന്ന ആളാണ് സുരാജ്. സുരാജിനൊപ്പം അഭിനയിക്കുന്നത് നല്ല അനുഭവമാണെന്ന് റായ് ലക്ഷ്മി പറയുന്നു.
എന്നാല്‍ ഷോട്ടിന്റെ സമയത്ത് സുരാജിന്റെ മുഖത്ത് നോക്കാന്‍ സാധിക്കില്ല. ഷോട്ട് സമയത്ത് സുരാജിന്റെ മുഖത്ത് വരുന്ന ഓരോ എക്‌സ്പ്രഷന്‍ കാരണം മുഖത്ത് നോക്കാന്‍ കഴിയാത്ത അവസ്ഥയുണ്ടായിട്ടുണ്ട്. കോമഡി രംഗങ്ങള്‍ ചിത്രീകരിക്കുമ്പോള്‍ സുരാജിന്റെ മുഖത്ത് വരുന്ന എക്‌സ്പ്രഷന്‍ കണ്ടാല്‍ അറിയാതെ ചിരിച്ചുപോകുമെന്നും താരം പറയുന്നു.
കോമ്പിനേഷന്‍ രംഗങ്ങളെടുക്കുമ്പോള്‍ ഇതില്‍ നിന്ന് രക്ഷപ്പെടാന്‍ സുരാജിന്റെ മുഖത്ത് നോക്കാതെ മറ്റെങ്ങോട്ടെങ്കിലും നോക്കി അഭിനയിച്ചിട്ടുണ്ട്. അത്രയും ചിരിവരും സുരാജിന്റെ മുഖത്ത് മിന്നിമറയുന്ന ഭാവങ്ങള്‍ കാണുമ്പോഴെന്നും റായ് ലക്ഷ്മി പറയുന്നു.