കഥാപാത്രത്തിന് വേണ്ടി മൊട്ടയടിക്കുന്നതിൽ സന്തോഷമേയുള്ളൂ എന്ന് നടൻ ജഗദീഷ്.
ബേസിൽ ജോസഫിനെ നായകനാക്കി നവാഗതനായ നിതീഷ് സഹദേവ് സംവിധാനം ചെയ്ത ചിത്രമായിരുന്നു ഫാമിലി. നവംബറിലാണ് ചിത്രം റിലീസ് ചെയ്തത്.
ചിത്രത്തിന്റെ ക്ലൈമാക്സ് രംഗത്തിൽ ജഗദീഷ് കാശിയിൽ വച്ച് മൊട്ടയടിക്കുന്നുണ്ട്. ചിത്രത്തിന് വേണ്ടി ജഗദീഷ് മൊട്ടയടിക്കുന്നതിന്റെ വീഡിയോ ആണ് ഇപ്പോൾ ശ്രദ്ധ നേടുന്നത്. മൊട്ടയടിക്കാൻ ഒരുങ്ങുന്ന ജഗദീഷ് തന്റെ അനുഭവവും വിഡിയോയിൽ പങ്കുവയ്‌ക്കുന്നുണ്ട്.
ജീവിതത്തിൽ ആദ്യമായാണ് മൊട്ടയടിക്കുന്നത്. പല നടന്മാരും ചെയ്യുന്നുണ്ട്. ആ ഭാഗ്യം എനിക്ക് തന്നിരിക്കുകയാണ് സംവിധായകൻ നിതീഷ്. കഥാപാത്രത്തിന് വേണ്ടി മൊട്ടയടിക്കുന്നതിൽ സന്തോഷമേയുള്ളൂ. അഭിമാനമേയുള്ളു… അതിൽ ചതിച്ച് വേറെ രീതിയിലുള്ള പ്രോസ്തെറ്റിക് മേക്കപ്പോ വിഗ്ഗോ ഒക്കെ വച്ചുകഴിഞ്ഞാൽ റിയാലിറ്റി കിട്ടില്ല’ ജഗദീഷ് പറഞ്ഞു.
Read more
അതേസമയം ഇതെല്ലം വെറുതെ പറയുകയാണെന്നും അദ്ദേഹം മാറിയിരുന്നു പൊട്ടി കരയുന്നത് താൻ കണ്ടതാണെന്നും മഞ്ജു പിള്ള തമാശരൂപേണ പറഞ്ഞു. എന്നാൽ സൗന്ദര്യമുള്ളവർക്കല്ലേ അത് നഷ്ടപ്പെടുന്നതിന്റെ വേദനയുണ്ടാവൂ എന്ന് ജഗദീഷ് തിരികെ മറുപടി നൽകി.
