തിരക്കഥാകൃത്ത് ജോണ്‍ പോളിന്റെ വിയോഗത്തില്‍ വികാരാധീനനായി നടന്‍ ജനാര്‍ദ്ദനന്‍. അദ്ദേഹത്തിന്റെ വിയോഗത്തില്‍ അതിയായ പ്രയാസം ഉണ്ട് എന്നും ജനാര്‍ദ്ദനന്‍ പറഞ്ഞു. ഒരിക്കലും മറക്കാന്‍ കഴിയാത്ത ഓര്‍മ്മകള്‍ ഉണ്ട് എന്നും അദ്ദേഹം കൂട്ടിച്ചേര്‍ത്തു.
അദ്ദേഹത്തെ കുറിച്ച് ഓര്‍മകളെ ഒള്ളു. എന്താണ് പറയേണ്ടത് എന്ന് അറിയില്ല. നമ്മുടെ കുടുംബത്തില്‍ നിന്ന് ഓരോരുത്തരായി പൊയ്‌ക്കൊണ്ടിരിക്കുകയാണ്. അപ്പോള്‍ ഞാനും മനസ്സില്‍ വിചാരിക്കും. ഞാനും ക്യൂവില്‍ തന്നെയാണ്. അദ്ദേഹത്തിനെ ആത്മാവ് സ്വര്‍ഗ്ഗ ലോകത്തില്‍ നന്നായിരിക്കട്ടെ എന്ന് പ്രാര്‍ത്ഥിക്കുന്നു. ജോണ്‍ പോളിന്റെ കൂടെ ഉള്ള ഓര്‍മ്മകള്‍ പറഞ്ഞാല്‍ തീരാത്തതാണ്. ‘കാതോട് കാതോരം’ മുതല്‍ ഒരുപാട് സിനിമകളില്‍ ഞങ്ങള്‍ ഒരുമിച്ചു പ്രവര്‍ത്തിച്ചു. ആലോചിട്ടു ഒന്നും മനസിലാകുന്നില്ല. എല്ലാവരും പോകുകയാണ്..
ഇന്നലെ ഉച്ചയ്ക്ക് കൊച്ചിയിലെ സ്വകാര്യ ആശുപത്രിയിലായിരുന്നു ജോണ്‍ പോളിന്റെ അന്ത്യം. ശ്വാസതടസവും മറ്റ് ആരോഗ്യ പ്രശ്നങ്ങളുമായി മാസങ്ങളായി ചികിത്സയില്‍ കഴിയുകയായിരുന്നു. ജോണ്‍ പോളിന്റെ സംസ്‌കാരം ഇന്ന് കൊച്ചിയില്‍ നടക്കും. ആശുപത്രി മോര്‍ച്ചറിയില്‍ നിന്ന് ഇന്ന് രാവിലെ കോച്ചിലെ ടൗണ്‍ഹാളില്‍ എത്തിച്ചു. 11 മണി വരെ പൊതുദര്‍ശനത്തിനു വച്ചു.