ചുരുങ്ങിയ കാലത്തിനുള്ളില്‍ തന്നെ ധാരാളം നല്ല സിനിമകളിലൂടെ മലയാളികളുടെ മനസില്‍ ഇടം പിടിച്ച താരമാണ് ജയസൂര്യ. വെള്ളമെന്ന് ചിത്രത്തിലെ അഭിനയത്തിലൂടെ ് മികച്ച നടനുള്ള ഈ വര്‍ഷത്തെ സംസ്ഥാന പുരസ്‌കാരവും ജയസൂര്യയ്ക്കായിരുന്നു. ഇപ്പോഴിതാ കൗമുദിയുമായുള്ള അഭിമുഖത്തില്‍ തന്റെ കാഴ്ച്ചപ്പാടുകളെക്കുറിച്ച് തുറന്നുപറഞ്ഞിരിക്കുകയാണ് അ്‌ദ്ദേഹം.
ജീവിതത്തില്‍ എന്തു തന്നെ സംഭവിച്ചാലും പോസിറ്റീവായിട്ടാണെടുക്കുന്നയാളാണ് താനെന്നും ജീവിതത്തിലെ പ്രശ്‌നങ്ങളെയെല്ലാം നേരിടാന്‍ തനിക്ക് സാധിച്ചിട്ടുണ്ടെന്നുമാണ് കൗമുദിക്ക് നല്‍കിയ അഭിമുഖത്തില്‍ ജയസൂര്യ പറയുന്നത്.
ഒരുപാട് പേര്‍ നമ്മളെ ചതിച്ചിട്ടുണ്ടാകും. പക്ഷെ അത് മനസില്‍ വെച്ച് ആരോടും പെരുമാറിയിട്ടില്ല. എന്നാല്‍ അയാളെ മനസിലാക്കി പെരുമാറും. ആരും എന്നോട് ചെയ്തത് അവരോട് തിരിച്ച് ചെയ്യാറില്ല. അങ്ങനെ ചെയ്താല്‍ ഞാനും അയാളും തമ്മിലെന്താണ് വ്യത്യാസം? ദൈവം ഓരോ ക്വാളിറ്റി തന്നിട്ടുണ്ട്, അത് വേറൊരാള്‍ കാരണം നഷ്്ടപ്പെടുത്തരുത്’, എന്നായിരുന്നു ജയസൂര്യയുടെ മറുപടി.
ഏതെങ്കിലും നടന്റെ ഫാനാണോ എന്ന ചോദ്യത്തിന് എല്ലാവരേയും ആരാധിക്കാറുണ്ടെന്നും പുതിയ താരങ്ങളെ പോലും ശ്രദ്ധിക്കാറുണ്ടെന്നുമായിരുന്നു താരം പറഞ്ഞത്.
