‘ചാവേര്‍’ സിനിമയ്‌ക്കെതിരായി നടക്കുന്ന ഡീഗ്രേഡിംഗിനോട് പ്രതികരിച്ച് ജോയ് മാത്യു. ടിനു പാപ്പച്ചന്റെ സംവിധാനത്തില്‍ എത്തിയ ചിത്രത്തിന് തിരക്കഥ ഒരുക്കിയത് ജോയ് മാത്യുവാണ്. ചിത്രത്തില്‍ ഒരു പ്രധാന വേഷത്തില്‍ താരം അഭിനയിക്കുകയും ചെയ്തിട്ടുണ്ട്. ഒക്ടോബര്‍ 5ന് തിയേറ്ററിലെത്തിയ ചാവേറിനെതിരെ കടുത്ത രീതിയിലുള്ള ഡീഗ്രേഡിംഗ് ആണ് നടക്കുന്നത്.
ഒരുപാട് പേരുടെ അധ്വാനമാണ് സിനിമ. ഇറങ്ങിയ അന്ന് തന്നെ എന്തിനാണ് റിവ്യൂ പറഞ്ഞ് സിനിമയെ നശിപ്പിക്കുന്നതെന്ന് ജോയ് മാത്യു വാര്‍ത്താ സമ്മേളനത്തില്‍ ചോദിച്ചു. റിവ്യൂ എന്ന പേരില്‍ നെഗറ്റീവ് പ്രചരിപ്പിച്ച് സിനിമ നശിപ്പിക്കുന്നവര്‍ക്കെതിരെ ഹൈക്കോടതി ഇടപെടലില്‍ പ്രതീക്ഷയുണ്ടെന്ന് ജോയ് മാത്യു പറഞ്ഞു.
Also read
”ഒരുപാട് പേരുടെ അധ്വാനവും സമയവും ഉപയോഗപ്പെടുത്തി എടുക്കുന്ന സിനിമ പോലുള്ള പ്രോഡക്ട് തിയേറ്ററിലെത്തി ആദ്യ ദിവസം തന്നെ റിവ്യൂവിലൂടെ തകര്‍ക്കുന്നത് തടയുന്നതിന് നിയമം കൊണ്ടുവരാനാണ് ഹൈക്കോടതിയുടെ ഇടപെടല്‍.”
Read more
”ഒരു ബുക്ക് ഇറങ്ങിയാല്‍ മാസങ്ങളെടുത്താണ് അതിന്റെ റിവ്യൂ നടക്കുക. പക്ഷേ സിനിമ ഇറങ്ങിയാല്‍ അപ്പോള്‍ തന്നെ പറയുകയാണ്” എന്ന് ജോയ് മാത്യു പറഞ്ഞു. സിനിമ ആളുകളിലേക്ക് എത്താനുള്ള സമയം റിവ്യൂവേഴ്‌സ് കൊടുക്കണമെന്ന് സംവിധായകന്‍ ടിനു പാപ്പച്ചനും പറഞ്ഞു.
