കഴിഞ്ഞ വര്‍ഷമാണ് നടി കാജല്‍ അഗര്‍വാളിന് കുഞ്ഞ് ജനിക്കുന്നത്. കുഞ്ഞ് ജനിച്ച് മാസങ്ങള്‍ക്കുള്ളില്‍ തന്നെ താരം സിനിമയിലേക്ക് മടങ്ങിയെത്തുകയും ചെയ്തിരുന്നു. അമ്മയായതിന് ശേഷം വീണ്ടും സിനിമയിലേക്ക് എത്തിയപ്പോള്‍ താന്‍ അനുഭവിച്ച ബുദ്ധിമുട്ടുകളെ കുറിച്ചാണ് കാജല്‍ ഇപ്പോള്‍ തുറന്നു പറഞ്ഞിരിക്കുന്നത്.
ഗര്‍ഭിണി ആയിരുന്നപ്പോള്‍ ആളുകള്‍ തന്നെ തടിച്ചി എന്ന് വിളിച്ചിരുന്നു എന്നാണ് കാജല്‍ പറയുന്നത്. ”ആത്മവിശ്വസമുണ്ട്, ശക്തയാണ് എന്നൊക്കെ എത്രത്തോളം പറയുന്നുണ്ടെങ്കിലും അരക്ഷിതാവസ്ഥയിലൂടെ ഞാന്‍ കടന്നു പോകുന്നുണ്ട്. കുഞ്ഞുണ്ടായതിന് ശേഷം ജീവിതം പഴയത് പോലെയാകുമോ എന്ന് ചിന്തിക്കുന്നവരാണ് നമ്മള്‍ എല്ലാവരും.”
”ഉറങ്ങുമ്പോഴും രാവിലെ എഴുന്നേല്‍ക്കുമ്പോഴും മനസില്‍ കുഞ്ഞിന്റെ കാര്യങ്ങള്‍ മാത്രമാണ്. ഗര്‍ഭിണിയാണെന്ന് അറിഞ്ഞപ്പോള്‍ ഒരു സിനിമയില്‍ നിന്നും എനിക്ക് പിന്മാറേണ്ടി വന്നു. എന്റെ ജീവിതം മാറിയിരുന്നു. ഗര്‍ഭകാലത്തും സിനിമകള്‍ ചെയ്തിരുന്നു. അരക്ഷിതാവസ്ഥ അനുഭവപ്പെട്ടിരുന്നു.”
”രണ്ട് മാസത്തോളം പോസ്റ്റ്പാര്‍ട്ടം അവസ്ഥകളിലൂടെ കടന്നു പോയി. പ്രസവത്തിന് ശേഷം ജോലിയിലേക്ക് തിരിച്ചു വരിക എന്നത് വളരെ ബുദ്ധിമുട്ടായ കാര്യമാണ്. ശാരീരികമായി തളര്‍ന്നു എന്നതിനേക്കാള്‍ തന്നെ തളര്‍ത്തിയത് കുഞ്ഞിനെ വീട്ടിലാക്കി ജോലിക്ക് പോകുമ്പോഴുള്ള വിഷമമാണ്.”
”എല്ലാ ദിവസവും കുഞ്ഞിനെ വീട്ടിലാക്കി ജോലിക്ക് പോകുമ്പോള്‍ എന്റെ ഹൃദയം തകരും. പക്ഷെ അത് ഞാന്‍ ഇഷ്ടപ്പെടുന്നുണ്ട്, എന്റെ മകന്‍ എന്റെ ജോലിയുടെ പ്രധാന്യം മനസിലാക്കി വളരും” എന്നാണ് കാജല്‍ ന്യൂസ് 18ന്റെ റൈസിംഗ് ഇന്ത്യ സമ്മിറ്റില്‍ പങ്കെടുത്ത് പറഞ്ഞത്.