പ്രണവ് അന്ന് നിലത്തിരുന്നാണ് സിനിമയുടെ കഥ കേട്ടത്; വലിയൊരു അത്ഭുതമാണ് അവൻ; തുറന്നുപറഞ്ഞ് ഷാജോൺ

വിനീത് ശ്രീനിവാസൻ ചിത്രം ‘വർഷങ്ങൾക്കു ശേഷം’ ഒടിടിയിലെത്തിയതിന് പിന്നാലെ പ്രശംസകൾക്കപ്പുറം നിരവധി ട്രോളുകളാണ് ചിത്രത്തിന് കിട്ടികൊണ്ടിരിക്കുന്നത്. പ്രണവിന്റെ കഥാപാത്രത്തിന്റെ കോസ്റ്റ്യൂം അടക്കം ട്രോൾ ചെയ്യപ്പെടുന്നുണ്ട്. എന്നാൽ ഇപ്പോഴിതാ പ്രണവിനെ കുറിച്ച് കലാഭവൻ ഷാജോൺ പറഞ്ഞ വാക്കുകളാണ് ചർച്ചയാവുന്നത്.

പ്രണവിന് അച്ഛനെ കുറിച്ച് ഇതുവരെ മനസിലായിട്ടില്ലെന്നാണ് ഷാജോൺ പറയുന്നത്. സിനിമയുടെ ഭാഗമായുള്ള കഥ കേൾക്കലിനിടെ നിലത്തിരുന്നാണ് പ്രണവ് കഥ കേട്ടതെന്ന് പറഞ്ഞ ഷാജോൺ, പ്രണവ് ഗംഭീരമായ മനുഷ്യനാണെന്നും കൂട്ടിചേർത്തു.

“അവനെ കുറിച്ച് പറഞ്ഞാൽ നമുക്ക് വിശ്വസിക്കാൻ പറ്റില്ല. അവന് ഇതുവരെ അച്ഛനെ കുറിച്ച് മനസിലായിട്ടില്ല എന്ന് തോന്നുന്നു. മോനേ അച്ഛൻ മലയാളികൾക്ക് എന്താണെന്നോ അച്ഛൻ്റെ ഹിസ്റ്ററി എന്താണെന്നോ വല്ല പിടിത്തവുമുണ്ടോയെന്ന് ഞാൻ ഒരു ദിവസം അവനോട് ചോദിച്ചിട്ടുണ്ട്.

‘ചേട്ടാ അത് പിന്നെ’ എന്ന് മാത്രമാണ് അവൻ പറഞ്ഞത്. അരുൺ ഗോപിയുടെ സിനിമയിലാണ് ഞാനും അപ്പുവും ഒന്നിച്ച് അഭിനയിച്ചത്. ഞാനും അരുണും ഇരുന്ന് കഥ ഡിസ്‌കസ് ചെയ്യുമ്പോൾ അവൻ വന്ന് നിലത്തിരുന്നിട്ടാണ് കേൾക്കുക. ആ സമയത്ത് എനിക്ക് ഓരോ സീനും അരുൺ പറഞ്ഞു തരികയാകും. അവൻ അതും കേട്ട് അവിടെ ഇരിക്കും. ഞാൻ, മോനേ ഇങ്ങോട്ട് കയറി ഇരുന്നോ എന്ന് പറഞ്ഞപ്പോൾ വേണ്ട ചേട്ടാ ഞാൻ ഇവിടെ ഇരിക്കാമെന്ന് പറഞ്ഞ് താഴെ തന്നെയിരുന്നു. ഭക്ഷണം കഴിക്കുമ്പോഴൊക്കെ എവിടെയെങ്കിലും പോയിരുന്നാണ് കഴിക്കുക.

ഇതൊന്നും ആ പയ്യൻ്റെ തലയിൽ കയറിയിട്ടില്ല. അച്ഛൻ്റെ ഒരു ലെവൽ അവന് അറിയില്ലെന്ന് തോന്നുന്നു. അങ്ങനെ ഇരിക്കുന്നതാണ്. വലിയൊരു അത്ഭുതമാണ് അവൻ. ഗംഭീരമായ ഒരു മനുഷ്യനാണ് അപ്പു. ഒരുപാട് പേര് കണ്ട് പഠിക്കേണ്ട കുറെ കാര്യങ്ങൾ അവനിലുണ്ട്.” എന്നാണ് ഒർജിനൽസ് എന്ന യൂട്യൂബ് ചാനലിന് നൽകിയ അഭിമുഖത്തിൽ ഷാജോൺ പറഞ്ഞത്.

Latest Stories

മമ്മൂക്കയ്ക്ക് വേണ്ടി കാത്തിരിക്കാന്‍ പ്രയാസമില്ലായിരുന്നു, പക്ഷെ അന്ന് നിയന്ത്രണങ്ങള്‍ ഉണ്ടായി.. ലാലേട്ടന് ഇത് അറിയാമായിരുന്നു: പൃഥ്വിരാജ്

പൗരത്വ സമരത്തിന്റെ അനുസ്മരണ ദിനത്തിൽ പരിപാടി സംഘടിപ്പിച്ചതിൽ നടപടി; വിദ്യാർത്ഥികളുടെ സസ്‌പെൻഷൻ പ്രത്യേക വ്യവസ്ഥകളോടെ പിൻവലിച്ച് ഡൽഹി ജാമിയ മില്ലിയ സർവകലാശാല

ഭൂമിയിലേക്ക് മടക്കം.. സുനിത വില്യംസ് ഉൾപ്പെടെയുള്ളവർ പ്രവേശിച്ചു, യാത്ര പേടകം ബഹിരാകാശ നിലയം വിട്ടു, വീഡിയോ

IPL 2025: ധോണിയും കോഹ്‌ലിയും കമ്മിൻസും അല്ല, എന്റെ സ്വപ്ന നായകൻ അയാളാണ്; അവന്റെ കീഴിൽ കളിക്കാൻ ആഗ്രഹിക്കുന്നു: ശശാങ്ക് സിംഗ്

14 വര്‍ഷം ഞങ്ങളുടെ കുടുംബം കടന്നുപോയ വേദന ആലോചിച്ചു നോക്കൂ.. എലിസബത്തിന് പൂര്‍ണ്ണ പിന്തുണ, ബന്ധപ്പെടാന്‍ ശ്രമിച്ചെങ്കിലും സാധിച്ചില്ല: അഭിരാമി

കൊല്ലം ഫെബിൻ കൊലപാതകം; പ്രതി തേജസ് ലക്ഷ്യമിട്ടത് ഫെബിന്റെ സഹോദരിയെ, പെട്രോളൊഴിച്ച് കത്തിക്കാൻ പദ്ധതി

ഹൂതികളെ തീര്‍ക്കാന്‍ അമേരിക്ക; യെമന് മുകളില്‍ ബോംബ് വര്‍ഷം; ആദ്യദിനം കൊല്ലപ്പെട്ടത് 56 ഭീകരര്‍; ഇറാന്‍ ഇടപെടരുതെന്ന് ട്രംപിന്റെ താക്കീത്

ട്രംപിന്റെ സമ്മതത്തോടെ ഏകപക്ഷീയമായി വെടിനിർത്തൽ അവസാനിപ്പിച്ച് ഇസ്രായേൽ; ഗാസയിൽ ഇരുന്നൂറിലധികം പേർ കൊല്ലപ്പെട്ടതായി പലസ്തീൻ ആരോഗ്യ മന്ത്രാലയം

നായകൻ വീണ്ടും വരാർ, സോഷ്യൽ മീഡിയ കത്തിച്ച് സഞ്ജു സാംസന്റെ റോയൽ എൻട്രി; വീഡിയോ കാണാം

കണ്ണൂരിൽ നാല് മാസം പ്രായമുള്ള കുഞ്ഞിന്റെ മൃതദേഹം കിണറ്റിൽ