സോഷ്യൽ മീഡിയയിൽ വളരെ പെട്ടെന്ന് വൈറലാകുന്ന ഒന്നാണ് ഫോട്ടോഷൂട്ടുകൾ. സാധാരണക്കാരുടെ മുതൽ സെലിബ്രിറ്റികളുടെ വരെ ഫോട്ടോഷോട്ടുകൾ ചില സമയത്ത് ഇന്റർനെറ്റ് ലോകത്ത് ശ്രദ്ധ നേടാറുണ്ട്.
മമ്മൂട്ടി ചിത്രം കാതലിലൂടെ മലയാള സിനിമയിലേക്ക് ചുവട് വച്ച പുതുമുഖ താരം അനഘ രവിയുടെ പഴയൊരു ഫോട്ടോഷൂട്ട് ആണിപ്പോൾ സോഷ്യൽ മീഡിയയിൽ വൈറലാകുന്നത്. ‘ലവ് ഈസ് ലവ്’ എന്ന ക്യാപ്ഷനോടെയാണ് താരം ഫോട്ടോകൾ പങ്കുവച്ചിട്ടുള്ളത്.
ഗ്രീഷ്മ നരേന്ദ്രനോടൊപ്പമുള്ള ചിത്രങ്ങളാണ് പോസ്റ്റിലുള്ളത്. ഇതിനുമുൻപും ഒരുപാട് ഫോട്ടോഷൂട്ടുകളിൽ പങ്കെടുത്തിട്ടുണ്ട്. ഫോട്ടോകൾ മാത്രമല്ല ഡാൻസ് വിഡിയോകളിലൂടെയും റീൽസിലൂടെയും താരം ആരാധകരെ സ്വന്തമാക്കിയിട്ടുണ്ട്. അനഘ അഭിനയിച്ച ന്യു നോർമൽ എന്ന ഹ്രസ്വ ചിത്രം സോഷ്യൽ മീഡിയയിൽ ചർച്ചയായിരുന്നു.
എന്തായാലും പ്രണയം തുളുമ്പുന്ന ഇരുവരുടെയും ചിത്രങ്ങൾ ഇപ്പോൾ ആരാധകർ ഏറ്റെടുത്തു കഴിഞ്ഞു. വിഷയം പ്രണയം ആയതുകൊണ്ടും ഇരുവരും പെൺകുട്ടികൾ ആയതുകൊണ്ടും ചിത്രങ്ങൾ വളരെ പെട്ടെന്നാണ് സോഷ്യൽ മീഡിയയിൽ പടരുന്നത്.
കാതൽ എന്ന ചിത്രത്തിൽ ഫെമി മാത്യു എന്ന മമ്മൂട്ടിയുടെ മകളായാണ് അനഘ അഭിനയിച്ചത്. ചിത്രത്തിൽ അനഘ രവിയുടെ പ്രകടനം ശ്രദ്ധേയമായിരുന്നു. സോഷ്യൽ മീഡിയയിൽ അടക്കം നിരവധി പ്രശംസകളാണ് അനഘയെ ഇപ്പോഴും തേടിയെത്തുന്നത്.