തന്റെ റിലേഷന്‍ഷിപ്പ് സ്റ്റാറ്റസിനെ കുറിച്ച് നടി കീര്‍ത്തി സുരേഷ് പറഞ്ഞ വാക്കുകള്‍ ശ്രദ്ധ നേടുന്നു. ‘രഘുതാത്ത’ എന്ന സിനിമയുടെ പ്രമോഷനുമായി ബന്ധപ്പെട്ട് തിരക്കിലാണ് കീര്‍ത്തി ഇപ്പോള്‍. ഇതിനിടെ നല്‍കിയ ഒരു അഭിമുഖത്തിലാണ് കീര്‍ത്തി താന്‍ സിംഗിള്‍ ആണെന്ന് ഇതുവരെ പറഞ്ഞിട്ടില്ല എന്ന് പറഞ്ഞിരിക്കുന്നത്.
ഭാവിയിലെ ജീവിത പങ്കാളി എങ്ങനെയായിരിക്കണമെന്ന ചോദ്യത്തിന് മറുപടി നല്‍കി കൊണ്ടാണ് കീര്‍ത്തി സംസാരിച്ചത്. ഗിവ് ആന്‍ഡ് ടേക്ക് ആയിരിക്കണം. പരസ്പരം മനസിലാക്കുന്ന സുഹൃത്തുക്കളാണ് എങ്കില്‍ തനിക്ക് തോന്നുന്നത് അത് മതിയാകും എന്നുമാണ്.
ലവ് എന്നത് ജീവിതകാലത്തേയ്ക്കുള്ള സ്‌നേഹമാണ്. സിംഗിള്‍ റിലേഷന്‍ഷിപ്പ് സ്റ്റാറ്റസില്‍ ഒരിക്കലും താന്‍ ആശങ്കപ്പെടുന്നില്ല. ഒരിക്കലും ഞാന്‍ സിംഗിള്‍ ആണെന്ന് പറഞ്ഞിട്ടില്ല എന്നാണ് കീര്‍ത്തി പറഞ്ഞിരിക്കുന്നത്. കീര്‍ത്തിയുടെ വാക്കുകള്‍ വലിയ ചര്‍ച്ചയായി മാറിയിരിക്കുകയാണ്.
അതേസമയം, കീര്‍ത്തി നായികയായ രഘുതാത്ത സുമന്‍ കുമാറാണ് സംവിധാനം ചെയ്യുന്നത്. കെജിഎഫിന്റെ നിര്‍മാതാക്കളായ ഹൊംമ്പാലെ ഫിലിംസിന്റെ ബാനറിലാണ് സിനിമ വരുന്നത്. എം.എസ് ഭാസ്‌കര്‍, ദേവദര്‍ശനി, രവിന്ദ്ര വിജയ്, ആനന്ദസാമി എന്നിവരാണ് ചിത്രത്തില്‍ പ്രധാന കഥാപാത്രങ്ങളായി എത്തുന്നത്.
