തന്റെ മകള്‍ ദിയയുടെ ബിസിനസ് തകര്‍ക്കാന്‍ ശ്രമം നടക്കുന്നുവെന്ന് നടന്‍ കൃഷ്ണകുമാര്‍. പുതിയൊരു അഭിമുഖത്തിലാണ് കൃഷ്ണകുമാര്‍ ഇതിനെ കുറിച്ച് സംസാരിച്ചത്. ഇന്‍സ്റ്റഗ്രാം റീല്‍സുകളിലൂടെ താരമായ ദിയ ഓഹ് ബൈ ഓസി എന്ന പേരില്‍ വസ്ത്രാഭരണ ബിസിനസ് ആണ് നടത്തുന്നത്. ദിയയുടെ കച്ചവടത്തെ തകര്‍ക്കാന്‍ ശ്രമം നടന്നുവെന്നാണ് കൃഷ്ണകുമാര്‍ പറഞ്ഞിരിക്കുന്നത്.
ദിയയുടെ കച്ചവടത്തെ തകര്‍ക്കാന്‍ ചിലര്‍ ശ്രമിച്ചു. സോഷ്യല്‍ മീഡിയ വളരെ നല്ലതാണ്, എന്നാല്‍ അത് ഡബിള്‍ എക്‌സ് വാള്‍ പോലെയാണ്, പരക്കെ മുറിക്കും. ഒരാള്‍ പുതിയൊരു ബിസിനസ് ആരംഭിക്കുന്നു. പെട്ടെന്ന് അത് ഉയരുന്നു അത് മറ്റ് അഞ്ച് പേര്‍ക്ക് ബുദ്ധിമുട്ടായി. അതില്‍ ഒരാള്‍, എല്ലാ യൂട്യൂബേഴ്‌സും മോശമാണ് എന്നല്ല.
ചില യൂട്യൂബര്‍മാരെ തിരഞ്ഞെടുത്ത് നിങ്ങളുടെ ബിസിനസ് തകര്‍ക്കാനും നിങ്ങളെ കരിവാരിതേക്കാനും ശ്രമിക്കുന്നു, ഈ സമയത്ത് നമ്മള്‍ ഇടപെടുന്നു. അത് വരെ ഞാന്‍ ഇടപെട്ടില്ലായിരുന്നു. നമ്മള്‍ നോക്കുമ്പോള്‍ അതിക്രൂരമായ ക്രിമിനല്‍ പ്രവര്‍ത്തനമാണ് കാണുന്നത്. അവിടെ ഞാന്‍ ഇടപെട്ടു. എവിടോ പോകണം, ആരോട് സംസാരിക്കണം എന്നൊക്കെ പറഞ്ഞു കൊടുത്തു.
മക്കളെ ഞാന്‍ സംരക്ഷിക്കും. അവരുടെ കൂടെ നില്‍ക്കും. അതില്‍ ശരിയോ തെറ്റോ നോക്കില്ല. അത് എന്റെ രീതിയാണ്. എന്ന് കരുതി മറ്റയാള്‍ ന്യായം ചെയ്താല്‍ തെറ്റായി കാണില്ല എന്നാണ് കൃഷ്ണകുമാര്‍ പറയുന്നു. അതേസമയം, തങ്ങള്‍ക്കെതിരായ വിമര്‍ശനങ്ങളെ നല്ല രീതിയിലാണ് എടുക്കുന്നതെന്നും കൃഷ്ണകുമാര്‍ പറഞ്ഞു.
Read more
