കുഞ്ചാക്കോ ബോബന്‍ വ്യത്യസ്ത ഗെറ്റപ്പുമായെത്തിയ ചിത്രമായിരുന്ന ‘ന്നാ താന്‍ കേസ് കൊട്’. സിനിമ സൂപ്പർ ഹിറ്റായി മാറിയതിന് പിന്നാലെ നടന്ർ മകൻ ഇസഹാക്കിനെ കുറിച്ച് പറഞ്ഞ വാക്കുകളാണ് സോഷ്യൽ മീഡിയയിൽ വെെറലാകുന്നത്. ജിഞ്ചർ മീഡിയയ്ക്ക് നൽകിയ അഭിമുഖത്തിനിടെയാണ് അദ്ദേഹം ഇക്കാര്യത്തെക്കുറിച്ച് സംസാരിച്ചത്.
ഇസഹാക്കിന് ഏറ്റവും ഇഷ്ടമുള്ളത് ട്രക്കുകളാണ്. അവന് ട്രക്കുകളെ കുറിച്ച് നന്നായി അറിയുകയും ചെയ്യാം. അവനോട് ട്രക്കുകളെ കുറിച്ച് പറയുമ്പോൾ ചുമ്മാ ട്രക്ക് എന്ന് പറഞ്ഞിട്ട് കാര്യമില്ലെന്നും അത് ഏത് ട്രക്കാണെന്ന് കൃതമായി പറയണമെന്നും അദ്ദേഹം പറഞ്ഞു.
ട്രെയിലർ ട്രക്കാണോ, ഗാർബേജ് ട്രക്കാണോ, കണ്ടെയ്നർ ട്രക്കാണോ എന്നൊക്കെ വിശദീകരിച്ച് പറയണം ഇല്ലെങ്കിൽ അവൻ പ്രശ്നമുണ്ടാക്കുമെന്നും കുഞ്ചാക്കോ ബോബൻ കൂട്ടിച്ചേർത്തു. നമ്മൾ പറയുമ്പോൾ തെറ്റിയാൽ അവൻ തിരുത്തി തരും.
എല്ലാത്തിനും അവൻ സ്പേസിഫിക്കാണ്. ഒരു ദിവസം വീട്ടിൽ പച്ചക്കറിയെക്കുറിച്ച് സംസാരിക്കുന്നതിനിടെയിൽ മകൻ വന്ന് അപ്പാ ആ ബ്രോക്കോളി ഇങ്ങെടുക്കൂവെന്ന് പറഞ്ഞു. ആദ്യം താൻ അത്ഭുതപെട്ടു
വല്ല തക്കാളി എന്നൊക്കെയാണ് പറഞ്ഞതെങ്കിൽ താൻ അംഗീകരിച്ചേനെ. താനൊക്കെ ബ്രോക്കോളിയെന്ന് കേട്ട് തുടങ്ങിയത് കോളജിൽ എത്തിയ സമയത്താണ്. അതാണ് താൻ പറഞ്ഞത് ഇപ്പോഴത്തെ പിള്ളേർ ഭയങ്കര സ്പെസിക്കാണ്. അതുകൊണ്ട് തന്നെ നമ്മൾ നന്നായി അപ്ടേറ്റഡാകണമെന്നും അദ്ദേഹം കൂട്ടിച്ചേർത്തു.