പൃഥ്വിരാജിന്റെ ഭാര്യയും നിര്‍മ്മാതാവുമായ സുപ്രിയ മേനോന് രസകരമായ ജന്മദിനാശംസകളുമായി നിര്‍മ്മാതാവ് ലിസ്റ്റിന്‍ സ്റ്റീഫന്‍. പൃഥ്വിരാജ് സിനിമാ ചിത്രീകരണത്തിനിടെ പരിക്കേറ്റ് വിശ്രമത്തിലായതിനാല്‍ എങ്ങനെ ജന്മദിനം ആഘോഷിക്കാമെന്ന നിര്‍ദേശവും സുപ്രിയയ്ക്ക് ലിസ്റ്റിന്‍ നല്‍കുന്നുണ്ട്.
താന്‍ ഇങ്ങനെയൊക്കെ ഫെയ്‌സ്ബുക്കില്‍ എഴുതിയിട്ടതിന്റെ പേരില്‍ തന്നെ മാനസികമായി ബുദ്ധിമുട്ടിച്ചാല്‍ മനുഷ്യാവകാശ കമ്മീഷനെ സമീപിക്കുമെന്ന മുന്നറിയിപ്പ് നല്‍കിയാണ് ലിസ്റ്റിന്‍ സ്റ്റീഫന്റെ കുറിപ്പ്.
ലിസ്റ്റിന്‍ സ്റ്റീഫന്റെ കുറിപ്പ്:
കഴിഞ്ഞ കുറെ വര്‍ഷങ്ങളായി ഭര്‍ത്താവുമൊന്നിച്ച് എവിടെയെങ്കിലും ഒക്കെ പോയി രണ്ടു മൂന്ന് ദിവസം സ്‌പെന്‍ഡ് ചെയ്ത് ബര്‍ത്ത്‌ഡേ ആഘോഷിച്ച് തിരിച്ച് വരുന്നതായിരുന്നല്ലോ പതിവ്. ഈ വര്‍ഷം ഭര്‍ത്താവിന് പണികിട്ടിയതുകൊണ്ട് ഭര്‍ത്താവിനെ നോക്കി പരിപാലിച്ച് കൊണ്ട് ഇരിക്കുന്ന ഈ വ്യത്യസ്ത സാഹചര്യത്തില്‍ എങ്ങനെ ബര്‍ത്ത്‌ഡേ ആഘോഷിക്കാം?
തല്‍ക്കാലം ഒരു ഗ്ലാസ്സെടുത്ത് ഒരു ചില്ലി അതിലിട്ട് എന്തെങ്കിലും പാനീയം അതിലൊഴിച്ച് ഭര്‍ത്താവിനെ നോക്കികൊണ്ട് ഇത്തവണത്തെ ബര്‍ത്ത്‌ഡേ എന്റെ ഒരു അവസ്ഥ എന്ന് മനസ്സില്‍ പറഞ്ഞുകൊണ്ട്… ഗ്ലാസ് കൈയില്‍ എടുത്ത് കൊണ്ട്….
ഇനി ഞാന്‍ ഒന്നും പറയുന്നില്ല.. ഹാപ്പി ബര്‍ത്ത്‌ഡേ സുപ്രിയ.. ഗോഡ് ബ്ലെസ്. ഇങ്ങനെ ഞാന്‍ ഫേസ്ബുക്കില്‍ എഴുതി ഇട്ടതിന്റെ പേരില്‍ എന്നെ മാനസികമായിട്ട് ബുദ്ധിമുട്ടിച്ചാല്‍ ഞാന്‍ മനുഷ്യാവകാശ കമ്മീഷനെ സമീപിക്കുന്നതാണ്.