മക്കള്‍ എല്ലാവരും കൊച്ചിയില്‍ താമസമാക്കിയപ്പോഴും തിരുവനന്തപുരത്തെ വീട്ടില്‍ തന്നെയാണ് നടി മല്ലിക സുകുമാരന്‍ താമസിക്കുന്നത്. മലയാള സിനിമയിലെ പ്രിയപ്പെട്ട താരകുടുംബമായതിനാല്‍ തന്നെ മല്ലിക പങ്കുവയ്ക്കുന്ന ചിത്രങ്ങളുംമ വിശേഷങ്ങളും ഏറെ ശ്രദ്ധ നേടാറുണ്ട്.
ഒരു യൂട്യൂബ് ചാനലില്‍ തന്റെ വീട് പരിചയപ്പെടുത്തുന്ന മല്ലികയുടെ വീഡിയോയാണ് ഇപ്പോള്‍ ശ്രദ്ധ നേടുന്നത്. വീടിന്റെ ചുവരില്‍ കുടുംബാംഗങ്ങളുടെ ചിത്രങ്ങള്‍ കാണാം. അത് ഓരോന്നായി അവതാരകയെ കാണിക്കുകയാണ് മല്ലിക.
”ദേ ഇരിക്കുന്നു ഡെയിലി ഫ്‌ളൈറ്റില്‍ വന്ന് കണ്ടിട്ട് പോകുന്ന ഇളയ സന്താനം” എന്നാണ് പൃഥ്വിരാജിന്റെ ചിത്രം ചൂണ്ടിക്കാണിച്ച് മല്ലിക പറയുന്നത്. ഇന്ദ്രജിത്ത്, പൂര്‍ണിമ, സുപ്രിയ, കൊച്ചുമക്കളായ പ്രാര്‍ത്ഥന, നക്ഷത്ര, അലംകൃത എന്നിവരുടെ ചിത്രങ്ങളും വീഡിയോയില്‍ കാണാം.
ഓരോ ചിത്രത്തിനു പിന്നിലുള്ള കഥയും മല്ലിക പറയുന്നുണ്ട്. ഭര്‍ത്താവും നടനുമായ സുകുമാരനെ കുറിച്ചും മല്ലിക വീഡിയോയില്‍ പറയുന്നുണ്ട്. വിവാഹ ചിത്രവും ഷൂട്ടിംഗിന് പോകുന്ന ചിത്രങ്ങളും ഇതിനൊപ്പമുണ്ട്. അതേസമയം, ‘സുരഭിയും സുഹാസിനിയും’ എന്ന സീരിയലാണ് മല്ലിക ഇപ്പോള്‍ അഭിനയിക്കുന്നത്.
നിരവധി സിനിമകളും താരത്തിന്റെതായി അണിയറയില്‍ ഒരുങ്ങുന്നുണ്ട്. ‘നാന്‍സി റാണി’, ‘ജമാലിന്റെ പുഞ്ചിരി’, ‘കുഞ്ഞമ്മിണീസ് ഹോസ്പിറ്റല്‍’, ‘ഹണി ട്രാപ്’ എന്നീ സിനിമകളാണ് നടിയുടെതായി ഒരുങ്ങുന്നത്. ‘സന്തോഷം’ എന്ന ചിത്രമാണ് താരത്തിന്റെതായി ഒടുവില്‍ റിലീസ് ചെയ്തത്.