മണിരത്‌നം ഒരുക്കിയ സൂപ്പര്‍ ഹിറ്റ് സിനിമ ആയിരുന്നു 1998ല്‍ പുറത്തിറങ്ങിയ ‘ദില്‍സെ’. ഷാരൂഖ് ഖാന്‍, മനീഷ കൊയ്‌രാള, പ്രീതി സിന്റ തുടങ്ങി വന്‍ താരനിര അണിനിരന്ന ചിത്രം ഇപ്പോഴും ജനപ്രിയ സിനിമകളില്‍ ഒന്നാണ്. ദില്‍സെയ്ക്ക് ശേഷം പിന്നീട് ഷാരൂഖിനൊപ്പം സിനിമ ചെയ്യാതിരുന്നതിന്റെ കാരണം വെളിപ്പെടുത്തിയിരിക്കുകയാണ് മണിരത്‌നം.
പല പരിപാടികളിലും താന്‍ പലപ്പോഴും ഷാരൂഖ് ഖാനെ കാണാറുണ്ട്. എന്നിരുന്നാലും, അദ്ദേഹത്തിനായി ഒരു തിരക്കഥ തയ്യാറായിട്ടില്ല. ഒരു ആശയം ലഭിച്ചു കഴിഞ്ഞാല്‍ സിനിമക്കായി ഷാരൂഖ് ഖാനെ സമീപിക്കും എന്നാണ് മണിരത്‌നം പറയുന്നത്.
അതേസമയം, മണിരത്‌നത്തിന്റെ സ്വപ്ന ചിത്രമായ ‘പൊന്നിയിന്‍ സെല്‍വന്‍’ റിലീസിനൊരുങ്ങുകയാണ്. സെപ്റ്റംബര്‍ 30 ആണ് ചിത്രം തിയേറ്ററുകളില്‍ എത്തുന്നത്. ലോകമെന്‍മ്പാടുമുള്ള പ്രേക്ഷകര്‍ ഏറെ പ്രതീക്ഷയോടെ കാത്തിരിക്കുന്ന ചിത്രങ്ങളില്‍ ഒന്നാണിത്.
കല്‍ക്കി കൃഷ്ണമൂര്‍ത്തിയുടെ പൊന്നിയിന്‍ സെല്‍വന്‍ എന്ന നോവലിനെ അടിസ്ഥാനമാക്കിയാണ് മണിരത്‌നം സിനിമ ഒരുക്കുന്നത്. വിക്രം, ഐശ്വര്യ റായ്, ജയം രവി, തൃഷ, കാര്‍ത്തി, ശോഭിത ധൂലിപാല, ഐശ്വര്യ ലക്ഷ്മി, പ്രഭു, ജയറാം, റഹ്‌മാന്‍, ബാബു ആന്റണി, വിക്രം പ്രഭു, റിയാസ് ഖാന്‍ തുടങ്ങി നിരവധി താരങ്ങളാണ് ചിത്രത്തില്‍ വേഷമിടുന്നത്.