ബിഗ് ബോസില്‍ പങ്കെടുത്തതിന് ശേഷം നടി മഞ്ജു സുനിച്ചന് വ്യാപകമായ സൈബര്‍ ആക്രമണം നേരിടേണ്ടി വന്നിരുന്നു. എന്നാല്‍ അതൊക്കെ തുടക്കത്തില്‍ മാത്രമേ തനിക്ക് വേദന നല്‍കിയുള്ളൂ, പിന്നെ എല്ലാം ശീലമായെന്നാണ് മഹിളാരത്നത്തിന് നല്‍കിയ അഭിമുഖത്തിലൂടെ മഞ്ജു പറഞ്ഞത്.
സൈബര്‍ ആക്രമണങ്ങളെ കുറിച്ച് മഞ്ജുവിന്റെ വാക്കുകള്‍
. ‘ഞാനും കൂട്ടുകാരിയും തുടങ്ങിയ യൂട്യൂബ് ചാനലിലെ ചില കണ്ടന്റുകള്‍ക്കെല്ലാം വലിയ രീതിയില്‍ സൈബര്‍ ആക്രമണം നേരിടേണ്ടി വന്നിരുന്നുവെന്നാണ് മഞ്ജു പറയുന്നത്. എനിക്ക് മാത്രമല്ല ഒത്തിരി നടിമാര്‍ക്കും ഇതേ രീതിയില്‍ സംഭവിച്ചിട്ടുണ്ട്. ഇതൊക്കെ ആദ്യം വേദന നല്‍കും. പിന്നെ നമുക്കത് ഒരു പ്രശ്നമല്ലാത്ത ഒരു പോയിന്റിലേക്ക് എത്തിക്കും…
നമ്മളെ നമ്മള്‍ തന്നെ ഓക്കെ ആക്കുക എന്നത് നമ്മുടെ മാത്രം ആവശ്യമാണ്. എന്റെ ഇപ്പോഴത്തെ ജീവിതം ഹാപ്പിയാണ്. ദൈവാനുഗ്രഹം കൊണ്ട് ലൈഫില്‍ കിട്ടിയ ബോണസാണ് ഇപ്പോള്‍ കടന്ന് പോകുന്ന ഈ ജീവിതമെന്ന്’,
‘ഞാന്‍ അഭിനയിക്കണമെന്നുള്ളത് എന്റെ മാത്രം ആവശ്യമാണ്.അല്ലാതെ മഞ്ജു പത്രോസിനെ കൊണ്ട് അഭിനയിപ്പിച്ച് കുറച്ച് കാശ് കൊടുത്തേക്കാമെന്ന് ഒരു സംവിധായകനും നിര്‍മാതാവും വിചാരിക്കില്ല. നമ്മള്‍ ആരും മലയാള സിനിമയില്‍ ഇല്ലെന്ന് വച്ച് മലയാള സിനിമയ്ക്ക് ഒന്നും സംഭവിക്കുകയുമില്ല.