വര്‍ഷങ്ങള്‍ക്ക് ശേഷമുള്ള നടി മഞ്ജുവാര്യരുടെ തിരിച്ചു വരവിനെ വളരെ ആവേശത്തോടെയാണ് ആരാധകര്‍ വരവേറ്റത്. അടുത്തിടെ താരത്തിന്റെ ‘ആയിഷ’ എന്ന പുതിയ സിനിമയിലെ ലുക്കിന് വലിയ പ്രശംസകള്‍ ലഭിച്ചിരുന്നു.

ഇപ്പോഴിതാ നടിയുടെ പുതിയ കുറിപ്പാണ് സോഷ്യല്‍ മീഡിയയില്‍ ചര്‍ച്ചയായിരിക്കുന്നത്. ‘ഷൂ കെട്ടാനല്ലാതെ തല ഒരിക്കലും കുനിയാന്‍ ഇടവരരുത്’ എന്ന അടിക്കുറിപ്പോടൊയാണ് ചിത്രം പോസ്റ്റ് ചെയ്തിരിക്കുന്നത്. കണ്ണാടിയ്ക്ക് അഭിമുഖമായി ഇരുന്ന് എടുത്ത ഒരു ബ്ലാക്ക് ആന്‍ഡ് വൈറ്റ് ചിത്രമാണിത്. നിരവധി പേരാണ് ചിത്രത്തിന് താഴെ കമന്റുകളുമായി എത്തിയിരിക്കുന്നത്.

നീണ്ട ഇടവേളയ്ക്ക് ശേഷം സിനിമയിലേക്ക് മടങ്ങിയെത്തിയ താരം മലയാളത്തില്‍ മാത്രമല്ല തമിഴിലും ഹിന്ദിയിലും അഭിനയിക്കുന്നുണ്ട് അടുത്തിടെ പോസ്റ്റ് ചെയ്ത മറ്റൊരു ചിത്രത്തില്‍ ‘എല്ലാം ക്ഷമയോടെ നിരീക്ഷിക്കാന്‍ പഠിക്കൂ, എല്ലാത്തിനും പ്രതികരണം അര്‍ഹിക്കുന്നില്ല’ എന്നും കുറിച്ചിട്ടുണ്ട്.

മഞ്ജു വാര്യര്‍ കേന്ദ്ര കഥാപാത്രത്തെ അവതരിപ്പിക്കുന്ന ഇന്തോ-അറബിക് ചിത്രം ആയിഷയിലെ ഗാനം അടുത്തിടെ സോഷ്യല്‍ മീഡിയ ഏറ്റെടുത്തിരുന്നു. തമിഴില്‍ ധനുഷിനൊപ്പം അസുരന്‍ എന്ന ചിത്രത്തിലൂടെയായിരുന്നു മഞ്ജു അരങ്ങേറ്റം നടത്തിയത്. അസുരനിലെ മഞ്ജുവിന്റെ പച്ചയമ്മാള്‍ എന്ന കഥാപാത്രം ഏറെ ശ്രദ്ധിക്കപ്പെട്ടിരുന്നു.