അവതാരികയായും, നടിയായും ശ്രദ്ധേയമായ പ്രകടനം കാഴ്ചവെക്കുന്ന താരമാണ് മീനാക്ഷി രവീന്ദ്രൻ. ചുരുങ്ങിയ സമയം കൊണ്ട് തന്നെ നിരവധി സിനിമകളിലും സജീവമാണ്.
ഇപ്പോഴിതാ സിനിമ നടിമാരുടെ സ്വകാര്യ ഭാഗങ്ങളിലേക്ക് മാത്രം ക്യാമറ സൂം ചെയ്ത് വീഡിയോ എടുത്ത് അത് കണ്ടന്റ് ആക്കി സോഷ്യൽ മീഡിയയിലൂടെ പ്രചരിപ്പിക്കുന്നവർക്കെതിരെ രംഗത്തെത്തിയിരിക്കുകയാണ് മീനാക്ഷി. ഇതുപോലെ തന്റെ വീഡിയോസ് സോഷ്യൽ മീഡിയയിൽ കറങ്ങി നടക്കുന്നുണ്ടെന്നും, മറ്റൊരു പ്രമുഖ നടിയുടെ തല മാത്രം കട്ട് ചെയ്ത ഒരു വീഡിയോ താൻ കണ്ടുവെന്നും മീനാക്ഷി പറയുന്നു.
“നമ്മൾ ഒരു ഡ്രസ്സ് ഇട്ടു പോകുമ്പോൾ എയ്സ്മെറ്റിക്കലി ഷൂട്ട് ചെയ്തോ. എന്നെ ഷൂട്ട് ചെയ്യാൻ പാടില്ല എന്ന് പറയാൻ പറ്റില്ലല്ലോ. അത് റോങ്ങ് ആണ്. പക്ഷേ ഇത് മാത്രം ഒരു കണ്ടൻ്റ് ആകുമ്പോഴാണ് പ്രശ്‌നം. ആ വീഡിയോ കാണുമ്പോൾ അറിയാം എന്താണ് അവർ ഷൂട്ട് ചെയ്‌തു വെച്ചിരിക്കുന്നത് എന്ന്. കഴിഞ്ഞ ദിവസം ഒരു പ്രമുഖ ആക്ട്രസ്സിൻ്റെ വീഡിയോ ഞാൻ കണ്ടു.
അത് ഞാനെൻറെ ഫ്രണ്ട്സിന് കാണിച്ചു കൊടുത്തു. അവരുടെ ഹെഡ് കട്ട് ആണ്. തലയുടെ മുകൾഭാഗം ഇല്ല. ഹെഡ് റൂം ക്യാമറ പരിപാടിയൊക്കെ ഉണ്ടല്ലോ. ഹെഡ് കട്ട് ആണ്. എന്താണ് അത് ഷൂട്ട് ചെയ്‌തു വെച്ചതെന്ന് നമുക്ക് കാണാം. അതേ ഞാൻ ഉദ്ദേശിച്ചുള്ളൂ. എൻ്റെയൊരു വീഡിയോ ഉണ്ട്.
അതിൽ ഞാൻ കാറിലേക്ക് കയറുന്ന വീഡിയോയാണ്. അത് സ്ലോമോഷനാണ്. അത് ഷൂട്ട് ചെയ്ത ആളല്ല അതിൽ വേറൊരു കൈ പെട്ടിട്ടുണ്ട് അയാളുടെ ഫോൺ മുകളിലാണ് നിൽക്കുന്നത്. ഒരാളുടെ ഐ ലെവലിൽ അല്ലെ ഷൂട്ട് ചെയ്യുക.” എന്നാണ് റെഡ് എഫ്എമ്മിന് നൽകിയ അഭിമുഖത്തിൽ മീനാക്ഷി പറയുന്നത്.