തമിഴ് ബിഗ് ബോസ് റിയാലിറ്റി ഷോയിലൂടെ പ്രശസ്തി നേടിയ നടിയാണ് മീര മിഥുന്‍. പരിപാടിയിലെ വിവാദ നായികയായിരുന്ന മീര അതിലെ മത്സരാര്‍ത്ഥിയായ നടന്‍ ചേരനെതിരേ ലൈംഗികാരോപണം ഉന്നയിക്കുകയും ആരോപണം തെറ്റാണെന്ന് തെളിഞ്ഞതോടെ ഷോയില്‍ നിന്ന് പുറത്താക്കപ്പെടുകയും ചെയ്തിരുന്നു. ഇപ്പോഴിതാ ഷോയിലെ പുരുഷ മത്സരാര്‍ത്ഥികള്‍ക്കെതിരെ രംഗത്തു വന്നിരിക്കുകയാണ് മീര. ഷോയിലെ പുരുഷ മത്സരാര്‍ത്ഥികളെല്ലാം തന്റെ പിന്നാലെയായിരുന്നു എന്നാണ് ട്വിറ്ററില്‍ പോസ്റ്റ് ചെയ്ത വീഡിയോയില്‍ മീര പറയുന്നത്.
“കവിന്‍, തര്‍ഷന്‍, സാന്‍ഡി, മുഗെന്‍ എന്നിവര്‍ എന്റെ പുറകെയായിരുന്നു. അവര്‍ക്ക് എന്റെ കൂടെ സമയം ചെലവഴിക്കാന്‍ ആഗ്രഹമുണ്ടായിരുന്നു. എല്ലാവര്‍ക്കും താത്പര്യം എന്നോടായിരുന്നു. എന്നാല്‍ ആ ഭീരുക്കള്‍ മറ്റുള്ള സ്ത്രീകളുടെ പിന്തുണ പോകുമോ എന്ന് ഭയന്ന് എന്നെ പുറത്താക്കാന്‍ ശ്രമിച്ചു. എല്ലാവര്‍ക്കും എന്നോട് അസൂയയായിരുന്നു. കാരണം ഞാനാണ് ആ കൂട്ടത്തില്‍ ഏറ്റവും പ്രശസ്ത. തമിഴ്നാട്ടിലെ എല്ലാവര്‍ക്കും എന്നെ അറിയാം. തമിഴ്സിനിമയിലെ ഏറ്റവും അറിയപ്പെടുന്ന പേരുകളില്‍ ഒന്നാണ് എന്റേത്.” മീര വീഡിയോയില്‍ പറഞ്ഞു.
https://twitter.com/meera_mitun/status/1183704981704036352
https://twitter.com/meera_mitun/status/1183704981704036352
https://twitter.com/meera_mitun/status/1183705619963895813
ഷോയില്‍ നിന്ന് പുറത്തായതോടെ കമല്‍ഹാസനടക്കമുള്ളവര്‍ക്കെതിരെ മീര രംഗത്ത് വന്നിരുന്നു. അഗ്‌നി സിറകുകള്‍ എന്ന തമിഴ് ചിത്രത്തില്‍ നിന്ന് തന്നെ പുറത്താക്കി കമല്‍ഹാസന്റെ മകള്‍ അക്ഷര ഹാസന് അവസരം നല്‍കിയെന്ന് മീര കഴിഞ്ഞ ദിവസം ആരോപണം ഉന്നയിച്ചിരുന്നു.