മേതില്‍ ദേവികയും നടന്‍ മുകേഷുമായുള്ള വിവാഹവും വിവാഹമോചനവുമൊക്കെ സോഷ്യല്‍ മീഡിയയില്‍ വലിയ ശ്രദ്ധ നേടിയിരുന്നു. എന്നാല്‍ സ്വയം ഇത്തരം ചര്‍ച്ചകളില്‍ നിന്ന് ദേവിക ഒഴിഞ്ഞുമാറുകയായിരുന്നു. ഗോസിപ്പുകള്‍ക്കൊന്നും അവര്‍ ചെവി കൊടുത്തില്ല. തന്റെ കരിയറില്‍ ശ്രദ്ധിച്ച് മുന്നോട്ട് പോവുകയാണ് ദേവിക.
ഇപ്പോഴിതാ, ഇവര്‍ സോഷ്യല്‍ മീഡിയയില്‍ പങ്കുവെച്ച പുതിയ പോസ്റ്റ് വൈറലായി മാറുകയാണ്. റെഡ് കാര്‍പ്പറ്റില്‍ അതിഥിയായി എത്തുന്നതിനെ കുറിച്ചാണ് ദേവികയുടെ പോസ്റ്റ് എപ്പിസോഡിന്റെ പ്രമോ വീഡിയോയും താരം പങ്കുവച്ചിട്ടുണ്ട്.
ചെറുപ്പത്തില്‍ ഡാന്‍സ് കളിക്കാന്‍ തനിക്ക് വലിയ പേടിയുണ്ടായിരുന്നില്ല. ഇപ്പോഴാണ് പേടി ആയി വന്നത്. അന്നൊരിക്കല്‍ പ്രിപ്പയര്‍ ചെയ്ത് പോയ പാട്ടല്ലായിരുന്നു വന്നത്. കാസറ്റ് തിരിച്ചിട്ടപ്പോള്‍ വേറെ പാട്ടാണ് വന്നത്. ആദ്യം തന്നെ വീഴ്ചയിലാണ് തുടങ്ങിയതെന്നും ദേവിക പ്രമോയില്‍ പറയുന്നുണ്ട്. ദേവിക പങ്കുവച്ച വിഡിയോയില്‍ നിരവധി പേരാണ് കമന്റുകളുമായി എത്തുന്നത്.
അടുത്തിടെ ദി ഫോര്‍ത്ത് എന്ന ചാനലിന് ദേവിക നല്‍കിയ അഭിമുഖവും ശ്രദ്ധനേടിയിരുന്നു.പുറത്തുള്ള യൂണിവേഴ്സിറ്റികളില്‍ നിന്നെല്ലാം ക്ലാസെടുക്കാനായി വിളിക്കാറുണ്ട്. ആ സമയത്ത് അവര്‍ ഗൂഗിള്‍ ചെയ്ത് നോക്കാറുണ്ട്. അങ്ങനെ വരുമ്പോള്‍ പേഴ്സണല്‍ ലൈഫിലെ കാര്യങ്ങളാണ് അവര്‍ കാണുന്നത്. പക്ഷേ അത് വേദനിപ്പിക്കുന്നുവെന്നായിരുന്നു അവര്‍ പറഞ്ഞത്.