മോഹന്‍ലാല്‍ എപ്പോഴും ഒരു ചെറിയ കുട്ടിയെ പോലെയാണെന്ന് നടി മല്ലിക സുകുമാരന്‍. തങ്ങളുടെ വീട്ടില്‍ കളിച്ചുവളര്‍ന്ന കുട്ടിയാണ് മോഹന്‍ലാലെന്നും തന്റെ മക്കളായ ഇന്ദ്രജിത്തിനും പൃഥ്വിരാജിനും ഇല്ലാത്ത ഒരു ഗുണം ലാലിനുണ്ടെന്നും മല്ലിക സുകുമാരന്‍ കൗമുദി മൂവീസിന് കൊടുത്ത അഭിമുഖത്തില്‍ പറഞ്ഞു.
മോഹന്‍ലാല്‍ എനിക്കെപ്പോഴും ഒരു കുട്ടിയെ പോലെയാണ്. ഞങ്ങളുടെ വീട്ടില്‍ കളിച്ചുവളര്‍ന്ന കുട്ടിയാണ് ലാലു (മോഹന്‍ലാല്‍). അവന്റെ കുസൃതി കാണുമ്പോള്‍ എല്ലാവര്‍ക്കും പേടിയാകുമായിരുന്നു.അതുകൊണ്ട് അവന് വീട്ടിലെത്തിയാല്‍ അവനെ നോക്കാനുളള ഉത്തരവാദിത്തം എനിക്കായി.
അതുകൊണ്ടുതന്നെ ലാലു എനിക്കൊരു അനുജനെ പോലെയാണ്. വലിയ വേദികളില്‍ നില്‍ക്കുമ്പോഴും ഞാന്‍ മോഹന്‍ലാലിനെ ലാലു എന്നാണ് വിളിക്കുന്നത്. അവന്റെ സിനിമയിലെ വളര്‍ച്ച കണ്ട വ്യക്തിയാണ് ഞാന്‍.
Read more
നല്ല ക്ഷമയുളള വ്യക്തിയാണ് ലാലു. ഇന്ദ്രനും രാജുവിനും അതില്ല. എത്ര തിരക്കിലും പ്രേക്ഷകരോടൊപ്പവും സുഹൃത്തുക്കളോടൊപ്പവും ക്ഷമയോടെ ചിരിച്ച് നില്‍ക്കാന്‍ അവന് കഴിയും. അത് നല്ലൊരു സ്വഭാവമാണ്- മല്ലിക സുകുമാരന്‍ പറഞ്ഞു.
