12 വര്‍ഷത്തെ ഇടവേളയ്ക്കു ശേഷം മോഹന്‍ലാലിനെ നായകനാക്കി ഷാജി കൈലാസ് സംവിധാനം ചെയ്യുന്ന പുതിയ ചിത്രമാണ് എലോണ്‍. 2009ല്‍ പുറത്തെത്തിയ ക്രൈം ത്രില്ലര്‍ ചിത്രം ‘റെഡ് ചില്ലീസി’നു ശേഷം മോഹന്‍ലാല്‍ നായകനാവുന്ന ഷാജി കൈലാസ് ചിത്രമാണ് ഇത്. ഇപ്പോഴിതാ ചിത്രത്തെ കുറിച്ച് കൂടുതല്‍ കാര്യങ്ങള്‍ വെളിപ്പെടുത്തിയിരിക്കുകയാണ് ഷാജി കൈലാസ്.
‘കോവിഡ് കാലത്ത് എല്ലാവരും ജോലിയില്ലാതെ ഇരിക്കുമ്പോള്‍ ചെറിയ സിനിമയ്ക്കു പറ്റിയ കഥ ഉണ്ടോ എന്ന് ആന്റണി പെരുമ്പാവൂര്‍ എന്നോടു ചോദിച്ചു.കോവിഡ് മൂലം തൊഴില്‍ നഷ്ടപ്പെട്ട ചലച്ചിത്ര പ്രവര്‍ത്തകര്‍ക്കായി ചെറിയ സിനിമകള്‍ എടുക്കുക എന്ന മോഹന്‍ലാലിന്റെ തീരുമാനം അനുസരിച്ചാണ് ആന്റണി വിളിച്ചത്.
കോയമ്പത്തൂരില്‍ നിന്നു കേരളത്തില്‍ എത്തി കുടുങ്ങുന്ന കാളിദാസ് എന്ന കഥാപാത്രത്തിന്റെ കാര്യം ഞാന്‍ അദ്ദേഹത്തോടു പറഞ്ഞു. മോഹന്‍ലാലിന് കഥ ഇഷ്ടപ്പെട്ടു.അങ്ങനെ ഉണ്ടായതാണ് ‘എലോണ്‍’എന്ന ചിത്രം.
‘കടുവ’യുടെ നിര്‍മാണ ജോലികള്‍ തുടങ്ങിയ ശേഷമാണ് ഈ സിനിമ ഞാന്‍ എടുത്തത്. ‘എലോണി’ല്‍ മോഹന്‍ലാല്‍ മാത്രമേ ഉള്ളൂ. ഓഗസ്റ്റില്‍ ഒടിടി പ്ലാറ്റ് ഫോമില്‍ റിലീസ് ചെയ്യുമെന്നും മനോരമയ്ക്ക് നല്‍കിയ അഭിമുഖത്തില്‍ ഷാജി കൈലാസ് പറഞ്ഞു.