ബിഗ് ബോസ് ഷോയില്‍ മത്സരാര്‍ഥിയായി എത്തിയതോടെയാണ് രജിത് കുമാര്‍ മലയാളികള്‍ക്കിടയില്‍ വലിയ ശ്രദ്ധ നേടുന്നത്. ഇപ്പോഴിതാ തനിക്ക് പെട്ടെന്ന് കൈവന്ന ഹൈപ്പ് കുറയാനുള്ള കാരണം പറയുകയാണ് രജിത് കുമാര്‍.
രണ്ടര വര്‍ഷക്കാലം തനിക്ക് കണ്ടകശനി ആയിരുന്നെന്നും. അതുകൊണ്ട് ബിഗ് ബോസില്‍ നിന്ന് തനിക്ക് ലഭിച്ച നല്ല പേര് എല്ലാം നഷ്ടമായി എന്നുമാണ് രജിത് കുമാര്‍ പറയുന്നത്. മോഹന്‍ലാല്‍ രണ്ടു സിനിമകളില്‍ അവസരം തരാമെന്ന് പറഞ്ഞിരുന്നു എന്നും അത് നടക്കാതെ പോയി. ഇനി ആണെങ്കിലും അദ്ദേഹം വിളിക്കും എന്ന പ്രതീക്ഷയും രജിത് കുമാര്‍ പങ്കുവയ്ക്കുന്നു.
ഒപ്പം മോഹന്‍ലാലിന്റെ ഏറ്റവും ബെസ്റ്റ് ജാതകമാണെന്നും രജിത് കുമാര്‍ പറയുന്നുണ്ട്. കൗമുദി മൂവീസിന് നല്‍കിയ അഭിമുഖത്തിലായിരുന്നു രജിത് കുമാറിന്റെ വാക്കുകള്‍.
ലാലിന്റെ ജാതകം നോക്കിയ അപ്പൂപ്പനെ എനിക്ക് അറിയാം. അദ്ദേഹത്തിന്റെ നല്ല ബെസ്റ്റ് ജാതകമാണ്. ലാലേട്ടന്‍ ജനിച്ച സമയം എന്ന് പറഞ്ഞാല്‍ ചെറിയ ശ്രമങ്ങളിലൂടെ കാര്യങ്ങള്‍ ചെയ്താലും വലിയ ഹൈപ്പ് ലഭിക്കും അല്ലെങ്കില്‍ എത്ര കഷ്ടപെട്ടാലും കാര്യമുണ്ടാകണമെന്നില്ല.’
ഞാന്‍ ഇപ്പോള്‍ വലിയ ദൈവവിശ്വാസിയാണ്. നേരത്തെ എസ്എഫ്‌ഐ ചെയര്‍മാന്‍ ഒക്കെ ആയിരുന്നു. എനിക്ക് രണ്ടരവര്‍ഷം കണ്ടകശനി ആയിരുന്നു. അതുകൊണ്ട് ബിഗ്ബോസില്‍ നിന്ന് എനിക്ക് ഉണ്ടായ നല്ലപേരും ഹൈപ്പും എല്ലാം കംപ്ലീറ്റ് പോയി. എന്നെയും കൊണ്ട് പോകേണ്ടതായിരുന്നു’ രജിത് കൂട്ടിച്ചേര്‍ത്തു.