ദിലീപിന്റെ മകളായ മീനാക്ഷിയുടെ സിനിമാ അരങ്ങേറ്റത്തെ കുറിച്ചുള്ള വാര്‍ത്തകള്‍ സോഷ്യല്‍ മീഡിയയില്‍ നിറയാറുണ്ട്. എന്നാല്‍ മീനാക്ഷി അച്ഛന്റെയോ അമ്മയുടെയോ പാത ഇതുവരെ പിന്തുടര്‍ന്നിട്ടില്ല. മീനാക്ഷിയുടെ സിനിമാ അരങ്ങേറ്റത്തെ കുറിച്ചുള്ള ചോദ്യങ്ങളോട് പ്രതികരിച്ചിരിക്കുകയാണ് നടി നമിത പ്രമോദ് ഇപ്പോള്‍.
‘മീനാക്ഷി സിനിമയിലേയ്ക്കെത്തുമോ’ എന്ന തരത്തിലുള്ള വാര്‍ത്തകള്‍ കാണുമ്പോള്‍ മീനാക്ഷിയ്ക്ക് പുച്ഛമാണ് തോന്നാറുള്ളത് എന്നാണ് നമിത പറയുന്നത്. സോഷ്യല്‍ മീഡിയയില്‍ വരുന്ന വാര്‍ത്തകള്‍ ഞാന്‍ അവള്‍ക്കു അയച്ചു കൊടുക്കാറുണ്ട്. പലതും അവള്‍ ശ്രദ്ധിക്കാറു പോലുമില്ല.
അധികം ആരോടും സംസാരിക്കാത്ത വളരെ നിഷ്‌കളങ്കയായ കുട്ടിയാണ് മീനാക്ഷി എന്നാണ് നമിത പറയുന്നത്. അഭിനയത്തോട് മീനാക്ഷിക്ക് അത്ര പ്രിയമില്ല. ചെന്നൈയില്‍ എംബിബിഎസിന് പഠിക്കുന്ന മീനാക്ഷി ഡോക്ടര്‍ ആകാനുളള ഒരുക്കത്തിലാണ്. ഡോ. മീനാക്ഷി എന്നറിയപ്പെടാനാണ് മകള്‍ക്ക് താല്‍പര്യമെന്ന് ഒരു അഭിമുഖത്തില്‍ ദിലീപ് പറഞ്ഞിരുന്നു.
മീനാക്ഷിയുടെ ഏറ്റവും അടുത്ത സുഹൃത്തുക്കളില്‍ ഒരാളാണ് നമിത. നാദിര്‍ഷായുടെ മക്കളും മീനാക്ഷിയുടെ അടുത്ത സുഹൃത്തുക്കളാണ്. നാദിര്‍ഷയുടെ മകളുടെ വിവാഹത്തിന് മീനാക്ഷി ഡാന്‍സ് ചെയ്ത വീഡിയോ സോഷ്യല്‍ മീഡിയയില്‍ വൈറലായിരുന്നു.
