തനിക്കെതിരെ നടക്കുന്ന സൈബര്‍ ആക്രമണങ്ങളെ കുറിച്ച് നടി നയന എല്‍സ തുറന്നു പറഞ്ഞിട്ടുണ്ട്. നയനയുടെ ഗ്ലാമര്‍ ഫോട്ടോഷൂട്ടുകള്‍ വൈറലായി മാറുകയും ചെയ്തിരുന്നു. തന്നെ കുറിച്ചുള്ള ഗോസിപ്പുകള്‍ അറിയാന്‍ വേണ്ടി തന്റെ ഫോട്ടോഗ്രാഫറിന് പലരും മെസേജ് അയച്ചിട്ടുണ്ട് എന്നാണ് നയന ഇപ്പോള്‍ പറയുന്നത്.
ആദ്യമായി സോളോ ട്രിപ് ചെയ്ത അനുഭവം പങ്കുവച്ചാണ് നയന സംസാരിച്ചത്. ആദ്യമായി സോളോ ട്രിപ്പ് പോയത് മാലിദ്വീപിലാണ്. അതിന്റെ ചിത്രങ്ങള്‍ പങ്കുവച്ചിരുന്നു. ആ സമയത്ത് തന്റെ ഫോട്ടോഗ്രാഫര്‍ക്ക് ഒരുപാട് പേര്‍ മെസേജ് ചെയ്തു. അറുപതിലധികം മെസേജുകള്‍ ലഭിച്ചിരുന്നു.
നയന ആരുടെ കൂടെയാണ്, കപ്പിള്‍സിന്റെ ചിത്രം എപ്പോഴാണ് പുറത്ത് വിടുന്നത് എന്നൊക്കെ. താന്‍ സോളോ ആണെന്ന് പറഞ്ഞിട്ട് ആര്‍ക്കും ദഹിച്ചിരുന്നില്ല. ഗോസിപ്പാണ് എല്ലാവര്‍ക്കും വേണ്ടത്. ഇത്രയും പേര്‍ നിന്റെ കാര്യത്തില്‍ കണ്‍സേണ്‍ഡ് ആണെന്ന് ഫോട്ടോഗ്രാഫര്‍ കാണിച്ചു തന്നു.
ഓ ഇത്രയും പേര്‍ക്ക് തന്നെ കുറിച്ച് കരുതല്‍ ഉണ്ടല്ലോ എന്നാണ് താന്‍ പറഞ്ഞത്. അപ്പോഴാണ് തനിക്കത് മനസിലായത്, ഇതൊക്കെ ആരെയാണ് ബോധിപ്പിക്കേണ്ടത്. ഒറ്റയ്ക്ക് യാത്ര ചെയ്യുന്നതില്‍ ഒരുപാട് സന്തോഷം കണ്ടെത്താന്‍ സാധിച്ചിട്ടുണ്ട് എന്നാണ് നയന ഒരു യൂട്യൂബ് ചാനലിന് നല്‍കിയ അഭിമുഖത്തില്‍ പറയുന്നത്.
തന്റെ മാതാപിതാക്കളും അവരുടെ മുന്‍തലമുറയുമൊക്കെ പുറത്തായിരുന്നതിനാല്‍ അവര്‍ പുരോഗമന ചിന്താഗതിയുള്ളവരാണെന്നും നയന പറയുന്നുണ്ട്. എന്നാല്‍ നെഗറ്റീവ് കമന്റുകള്‍ അവര്‍ക്ക് പേടിയുണ്ടാക്കുന്നുണ്ടെന്നും നടി പറയുന്നുണ്ട്.’കുര്‍ബാനി’ ആണ് നയനയുടെ ഏറ്റവും പുതിയ ചിത്രം.