ബിഗ് ബോസ് മലയാളം സീസണ്‍ 5 നാലാം ആഴ്ചയില്‍ എത്തി നില്‍ക്കുമ്പോള്‍ രണ്ടാമത്തെ വൈല്‍ഡ് കാര്‍ഡ് എന്‍ട്രിയായി സംവിധായകന്‍ ഒമര്‍ ലുലു എത്തിയിരിക്കുകയാണ്.
ബിഗ് ബോസിന്റെ കഴിഞ്ഞ സീസണില്‍ മത്സരിക്കണമെന്ന് താന്‍ ഒരുപാട് ആഗ്രഹിച്ചിരുന്നു എന്നും പക്ഷേ ഈ വട്ടമാണ് അതിനുള്ള ഭാഗ്യം തനിക്ക് ഉണ്ടായത് എന്നുമാണ് വേദിയില്‍ മോഹന്‍ലാലിനോട് ഒമര്‍ പറഞ്ഞത്. മലയാളികള്‍ ബിഗ് ബോസ് കാണുന്നതിന് ഒരു കാരണമുണ്ടെന്നാണ് ഒമര്‍ ലുലു പറയുന്നത്.
‘മലയാളികള്‍ക്ക് ഒരു പൊതുപ്രവണതയുണ്ട്. അവര്‍ ബിഗ് ബോസ് കാണുകയും ചെയ്യും അതിനെ കുറ്റം പറയുകയും ചെയ്യും. എനിക്ക് അത് ഇഷ്ടമല്ല എന്നൊക്കെ പറയും. പിന്നെ എന്തിനാണ് കാണുന്നത്! ബിഗ് ബോസ് എല്ലാവരും കാണുന്നതിന് പിന്നില്‍ മറ്റൊരാള്‍ എന്താണെന്ന് അറിയാനുള്ള ക്യൂരിയോസിറ്റി ആണ്,’
അതേപോലെ മോഹന്‍ലാലിനെ പരിചയപ്പെടാന്‍ കഴിഞ്ഞതില്‍ സന്തോഷമുണ്ട് അതിനപ്പുറം എക്‌സൈറ്റ്‌മെന്റോ കാര്യങ്ങളോ ഇല്ല. എനിക്ക് പണമോ അംഗീകാരമോ കിട്ടുമ്പോഴാണ് എനിക്ക് എക്സൈറ്റ്മെന്റ് ഉള്ളു. ലാലേട്ടന്‍ എനിക്ക് കുറച്ചു പൈസ ഒക്കെ തന്നിരുന്നെങ്കില്‍ ഞാന്‍ ഹാപ്പി ആയേനെ. ഇതിപ്പോള്‍ കാണുമ്പോള്‍ ഉള്ള കുഞ്ഞി സന്തോഷമാണെന്നും ഒമര്‍ ലുലു പറഞ്ഞു.