ഇന്ത്യയുടെ പേര് ഭാരത് എന്നാക്കി മാറ്റുന്നതിനെ കുറിച്ചുള്ള അഭ്യൂഹങ്ങള്‍ എത്തിയതിന് പിന്നാലെ സംവിധായകന്‍ ഒമര്‍ ലുലു പങ്കുവച്ച പോസ്റ്റ് ശ്രദ്ധ നേടുന്നു. രു സംസ്ഥാനത്തിന്റെയോ, സ്ഥലത്തിന്റെയോ പേര് മാറ്റുന്നത് പോലെയല്ല രാജ്യത്തിന്റെ പേര് മാറ്റുന്നത് എന്നാണ് ഒമര്‍ ലുലു പറയുന്നത്.
”ഒരു സംസ്ഥാനത്തിന്റെയോ,സ്ഥലത്തിന്റെയോ പേര് മാറ്റുന്നത് പോലെ അല്ലാ രാജ്യത്തിന്റെ പേര് മാറ്റുന്നത്. അങ്ങനെ രാജ്യത്തിന്റെ പേര് മാറ്റിയാല്‍ അന്താരാഷ്ട്ര തലത്തില്‍ നമ്മള്‍ വാണിജ്യ-വ്യവസായ തലത്തില്‍ എന്ന് അല്ലാ എല്ലാ തലത്തിലും നമ്മള്‍ ഒരുപാട് പുറകോട്ട് പോവും. I love my India ????……& proud to say am an Indian” എന്നാണ് ഒമര്‍ ലുലു കുറിച്ചത്.
അതേസമയം, പ്രത്യേക പാര്‍ലമെന്റ് സമ്മേളനത്തില്‍ റിപ്പബ്ലിക് ഓഫ് ഇന്ത്യ എന്നത് മാറ്റി റിപ്പബ്ലിക് ഓഫ് ഭാരത് ആക്കാന്‍ കേന്ദ്ര സര്‍ക്കാന്‍ പ്രമേയം കൊണ്ടു വന്നേക്കുമെന്നാണ് സൂചനകള്‍. ഇതിനെതിരെ വന്‍ തോതില്‍ പ്രതികരണങ്ങള്‍ ഉയരുകയാണ്.
സമൂഹത്തിന്റെ വിവിധ മേഖലയില്‍ ഉള്ളവര്‍ വിഷയത്തില്‍ പ്രതികരണവുമായി രംഗത്തെത്തുന്നുണ്ട്. എന്നാല്‍ ഇന്ത്യയുടെ പേര് മാറ്റിയേക്കുമെന്ന വാര്‍ത്ത പങ്കുവച്ച് കാത്തിരിക്കാന്‍ വയ്യ എന്നാണ് നടന്‍ ഉണ്ണി മുകുന്ദന്‍ കുറിച്ചത്. ‘മേരാ ഭാരത്” എന്ന് ഫെയ്സ്ബുക്കില്‍ താരം കുറിച്ചിട്ടുണ്ട്.