കർണാടക നാടക അക്കാദമിയുടെ വാർഷിക പുരസ്കാരം നിരസിച്ച് പ്രകാശ് രാജ്. തന്നെക്കാൾ അർഹതയുള്ളവർ നാടകത്തിലുണ്ട് എന്ന കാരണത്താലാണ് പുരസ്കാരം സ്വീകരിക്കാത്തത് എന്നാണ് പ്രകാശ് രാജ് പറഞ്ഞത്.
കന്നഡ നാടകരംഗത്ത് മികച്ച സംഭാവനകൾ നൽകിയ നാടക പ്രതിഭകൾക്ക് നൽകിവരുന്ന വാർഷിക, ലൈഫ് ടൈം അച്ചീവ്മെന്റ് പുരസ്കാരങ്ങളാണ് കഴിഞ്ഞ ദിവസം അക്കാദമി പ്രഖ്യാപിച്ചത്.
ನಾನು ಈಗಷ್ಟೆ ರಂಗಭೂಮಿಗೆ ಮರಳಿ ಬಂದ್ದಿದ್ದೇನೆ .. ಮಾಡಬೇಕಾದ ಕೆಲಸ ಬೆಟ್ಟದಷ್ಟಿದೆ..ನನಗಿಂತಲೂ ಅರ್ಹರು ರಂಗಭೂಮಿಯಲ್ಲಿರುವುದರಿಂದ, ಈ ಪುರಸ್ಕಾರವನ್ನು ಸ್ವೀಕರಿಸಲು ನನ್ನ ಮನಃಸಾಕ್ಷಿ ಒಪ್ಪುತ್ತಿಲ್ಲ .. ಕ್ಷಮಿಸಿ🙏🏿🙏🏿🙏🏿 ಅಭಿನಂದಿಸಿದ ಸಹ್ರುದಯರಿಗೆ ಧನ್ಯವಾದಗಳು pic.twitter.com/PuzFx3boPK
— Prakash Raj (@prakashraaj) August 9, 2024
“ഈ അടുത്താണ് ഞാൻ നാടകത്തിലേക്ക് മടങ്ങിയെത്തിയത്, പൂർത്തിയാക്കാൻ ധാരാളം ജോലികൽ ഇനിയുമുണ്ട്, നാടകലോകത്ത് എന്നെക്കാൾ അർഹതയുള്ളവർ ഉള്ളതിനാൽ, ഈ അവാർഡ് സ്വീകരിക്കാൻ എൻ്റെ മനസ്സാക്ഷി സമ്മതിക്കുന്നില്ല… എന്നോട് ക്ഷമിക്കണം. ആശംസിച്ച എല്ലാവർക്കും നന്ദി.” എന്നാണ് പ്രകാശ് രാജ് എക്സിൽ കുറിച്ചത്.
