തന്നെ അത്ഭുതപ്പെടുത്തിയ, താന് അസൂയയോടെ കാണുന്ന നടനാണ് മോഹന്ലാലെന്ന് നടന് പ്രകാശ് രാജ്. 20 വര്ഷങ്ങള്ക്ക് ശേഷം മോഹന്ലാലും പ്രകാശ് രാജും വീണ്ടും ഒന്നിക്കുന്ന “ഒടിയന്റെ” വിശേഷങ്ങള് പങ്കുവെയക്കവെയാണ് പ്രകാശ്രാജ് മോഹന്ലാലിനെക്കുറിച്ചുള്ള ഓര്മ്മകള് പങ്കുവച്ചത്.
മോഹന്ലാലിനോടൊപ്പമുള്ള “ഒടിയന്” ആണ് അടുത്ത മലയാള സിനിമ. മുന്പ് “ഇരുവര്” എന്ന തമിഴ് സിനിമയില് ഒരുമിച്ച് അഭിനയിച്ചിട്ടുണ്ട്. മികച്ച അനുഭവമായിരുന്നു “ഇരുവര്”. രാഷ്ട്രീയമായി ഏറെ പ്രാധാന്യമുള്ള സിനിമയില് ഞാനും ലാലും തുല്യപ്രാധാന്യമുള്ള വേഷങ്ങളെയാണ് അവതരിപ്പിച്ചത്. ദേശീയ അവാര്ഡിനായി “ഇരുവര്” ജൂറിക്കു മുന്നിലെത്തിയപ്പോള് സഹനടന്റെ അവാര്ഡിനായാണ് ഞങ്ങളെ പരിഗണിച്ചത്. കഥാപാത്രങ്ങളെ നിരവധി തവണ സ്ക്രീനില് കണ്ടപ്പോള് ജൂറിക്ക് ആശയക്കുഴപ്പം. ഈ രണ്ടുപേരില് ആരാണ് സഹനടനെന്നു സംവിധായകന് മണിരത്നത്തോട് ജൂറി ചോദിച്ചെന്നും പ്രകാശ് രാജ് പറഞ്ഞു.
എന്നാല് അദ്ദേഹത്തിന് ദേഷ്യംവന്നു. സഹനടന്മാരല്ല, അവര് രണ്ടുപേരും നായക കഥാപാത്രങ്ങളാണെന്നായിരുന്നു സംവിധായകന്റെ മറുപടി. അതിനിടെ ഈ വിവരം മണിരത്നത്തിന്റെ ഭാര്യയും നടിയുമായ സുഹാസിനി അറിഞ്ഞു. പ്രകാശ് രാജിന്റെ പേരു പറയാനായിരുന്നു സുഹാസിനി പറഞ്ഞത് (ചിരിക്കുന്നു). രണ്ടുപേരില് സഹനടന് ആരാണെന്നു മണിരത്നം വെളിപ്പെടുത്തിയില്ല. ഒടുവില് മികച്ച സഹനടനുള്ള ദേശീയ അവാര്ഡ് എന്നെ തേടിയെത്തിയെന്നും പ്രകാശ് രാജ് പറഞ്ഞു.
Read more
മോഹന്ലാലും പ്രകാശ് രാജു തകര്ത്തഭിനയിച്ച സിനിമയായിരുന്നു “ഇരുവര്” എന്ന മണിരത്നം ചിത്രം. ആ ചിത്രത്തിലൂടെ മികച്ച നടനുള്ള ദേശീയ അവാര്ഡ് മോഹന്ലാലിന് ലഭിക്കുമെന്ന് പലരും പ്രതീക്ഷിച്ചിരുന്നു. എന്നാല് പുരസ്കാരം നഷ്ടമാവുകയും മികച്ച സഹനടനുള്ള ദേശീയ അവാര്ഡ് അതേ ചിത്രത്തിലെ പ്രകടനത്തിന് പ്രകാശ് രാജിന് ലഭിക്കുകയും ചെയ്തിരുന്നു.