പ്രേക്ഷകർക്ക് എക്കാലത്തും പ്രിയപ്പെട്ട താരമാണ് പ്രിയങ്ക ചോപ്ര. വിവാഹത്തിന് ശേഷവും സിനിമകളിൽ സജീവമാണ് താരം. ഇന്ത്യൻ സിനിമകളിൽ മാത്രമല്ല ഹോളിവുഡിലും ചുരുങ്ങിയ കാലംകൊണ്ട് തന്നെ സാന്നിധ്യമറിയിച്ചു കഴിഞ്ഞു പ്രിയങ്ക.
ഇപ്പോഴിതാ താൻ കരിയറിൽ നേരിട്ട പ്രതിസന്ധികളെ കുറിച്ച് സംസാരിക്കുകയാണ് താരം. പല കാരണം കൊണ്ടും സിനിമ വ്യവസായത്തിൽ അവഗണിക്കപ്പെടുമെന്നും, അത് പല കാരണങ്ങൾ കൊണ്ടാണെന്നും പ്രിയങ്ക പറയുന്നു. ഇത്തരം അവഗണനകൾ ബുദ്ധിമുട്ടുള്ള കാര്യമാണെന്നും പ്രിയങ്ക പറയുന്നു.
“അത് വളരെ ബുദ്ധിമുട്ടുള്ള കാര്യമാണ്. പ്രത്യേകിച്ച് മറ്റുള്ളവർ നിങ്ങളെ വിലയിരുത്തുന്ന ഒരു മേഖലയിൽ ജോലിചെയ്യുമ്പോൾ. നിങ്ങളുടെ സിനിമ എത്രപേർ കാണും, നിങ്ങളുടെ പ്രകടനത്തെക്കുറിച്ച് സംവിധായകൻ എന്താണ് ചിന്തിക്കുന്നത് അല്ലെങ്കിൽ കാസ്റ്റിംഗ് ഏജൻ്റ് എന്താണ് ചിന്തിക്കുന്നത്. അതെല്ലാം ആത്മനിഷ്ഠമാണ്.
Read more
പല കാരണം കൊണ്ടും സിനിമ വ്യവസായത്തിൽ അവഗണിക്കപ്പെടും. അത്തരം നിരവധി സംഭവങ്ങൾ ഞാൻ കണ്ടിട്ടുണ്ട്. ചിലപ്പോൾ ആ വേഷത്തിന് നമ്മൾ അനുയോജ്യരായിരിക്കില്ല, ചിലപ്പോൾ പക്ഷപാതമായിരിക്കാം, ചിലപ്പോൾ ആരുടെയെങ്കിലും കാമുകിയെ കാസ്റ്റുചെയ്യാനായിരിക്കാം. സിനിമയിൽ റിജക്ടു ചെയ്യാൻ അങ്ങനെ പല കാരണങ്ങളുണ്ട്. എനിക്ക് അതിൽ നിന്നെല്ലാം ഒരുപാട് കാലം മുൻപേ സമാധാനം കിട്ടി. പക്ഷെ അതൊരു യാഥാത്ഥ്യമാണ്.” എന്നാണ് ഒരു ബോളിവുഡ് മാധ്യമത്തിന് നൽകിയ അഭിമുഖത്തിൽ പ്രിയങ്ക പറഞ്ഞത്.
