രാധിക തന്റെ അമ്മയല്ലെന്ന് വരലക്ഷ്മി ശരത്കുമാര്‍. രാധിക ശരത്കുമാറിനെ “ആന്റി” എന്ന് അഭിസംബോധന ചെയ്യുന്നതിനെ കുറിച്ച് ചോദിച്ചപ്പോഴാണ് വരലക്ഷ്മി ഇക്കാര്യം പറഞ്ഞത്. അമ്മയല്ലെങ്കിലും അവരുമായി അടുത്ത ബന്ധമുണ്ടെന്ന് വരലക്ഷ്മി പറഞ്ഞു. ശരത്കുമാറിന്റെ ആദ്യ ഭാര്യയിലുള്ള മകളാണ് വരലക്ഷ്മി.
ഛായ ദേവിയാണ് ശരത്കുമാറിന്റെ ആദ്യ ഭാര്യ. ഈ ദമ്പതികള്‍ക്ക് വരലക്ഷ്മി, പൂജ എന്നിങ്ങനെ പേരുള്ള രണ്ട് മക്കളുണ്ട്. 2001-ല്‍ ശരത്കുമാറും രാധികയും വിവാഹിതരാകുന്നത്. രാധികയുടെ മൂന്നാം വിവാഹമായിരുന്നു അത്. വിവാഹസമയത്ത് രാധികയ്ക്ക് റയാന് എന്ന് പേരുള്ള ഒരു മകള്‍ ഉണ്ടായിരുന്നു. 2004-ല്‍ ശരത് കുമാറിനും രാധികയ്ക്കും രാഹുല്‍ എന്നൊരു ആണ്‍കുഞ്ഞ് പിറന്നു.
അച്ഛന്‍ ശരത്കുമാറും രാധിക ശരത്കുമാറും വളരെ സന്തോഷത്തോടെയാണ് അവരുടെ വിവാഹജീവിതം ആസ്വദിക്കുന്നതെന്നും രാധികയുടെ മകള്‍ റയാന്, ശരത്കുമാര്‍ നല്ലൊരു അച്ഛനാണെന്നും വരലക്ഷ്മി പറഞ്ഞു.