ആദിത്യ അരുണാചലം എന്ന പൊലീസ് ഓഫീസറായി പുതിയ ചിത്രം “ദര്‍ബാറി”ലൂടെ പ്രേക്ഷകരെ ഞെട്ടിക്കാന്‍ ഒരുങ്ങുകയാണ് രജനികാന്ത്. ജനുവരി 9ന് റിലീസിനെത്തുന്ന ചിത്രത്തില്‍ മാസ് ആക്ഷന്‍ രംഗങ്ങളുമായാണ് രജനികാന്ത് എത്തുന്നത്.
69ാം വയസിലും ആരോഗ്യത്തിന്റെ രഹസ്യം എന്താണ് എന്ന ചോദ്യത്തിന് മറുപടി നല്‍കിയിരിക്കുകയാണ് രജനികാന്ത്. “”കുറച്ച് മാത്രം ആഗ്രഹിക്കുക, കുറച്ച് മാത്രം ചിന്തിക്കുക, അല്‍പം ഭക്ഷിക്കുക, അല്‍പം മാത്രം ഉറങ്ങുക അതിനൊപ്പം ദിവസവും വ്യായാമം ചെയ്യുക”” എന്നാണ് തലൈവര്‍ വ്യക്തമാക്കിയിരിക്കുന്നത്.
ദര്‍ബാറിന്റെ പ്രൊമോഷനുമായി ബന്ധപ്പെട്ട് ഹൈദരാബാദില്‍ നടന്ന പരിപാടിക്കിടെയാണ് തലൈവരുടെ വെളിപ്പെടുത്തല്‍. നയന്‍താരയാണ് ദര്‍ബാറില്‍ നായികയായെത്തുന്നത്. എസ് ക്യൂബ് ഫിലിംസും ഗൃഹലക്ഷ്മി പ്രൊഡക്ഷന്‍സും ചേര്‍ന്നാണ് ചിത്രം കേരളത്തില്‍ വിതരണത്തിനെത്തിക്കുന്നത്.
