ബിഗ് ബോസ് ഷോയിലൂടെയാണ് ഡോ രജിത് കുമാര്‍ ശ്രദ്ധ നേടുന്നത്. ഷോയില്‍ എത്തുന്നതിന് മുമ്പേ രജിത്തിന്റെ പരാമര്‍ശങ്ങള്‍ വിവാദമാകാറുണ്ട്. ഇത്തരം നിലപാടുകളാണ് ബിഗ് ബോസിലും ആവര്‍ത്തിച്ചതെങ്കിലും രജിത്തിന് ഏറെ ജനപ്രീതി ലഭിച്ചിരുന്നു. സിനിമാ രംഗത്തേക്കും രജിത് എത്തിയിട്ടുണ്ട്. താന്‍ തായ്‌ലന്റില്‍ പോയതിനെ കുറിച്ച് രജിത് ഒരു യൂട്യൂബ് അഭിമുഖത്തില്‍ പറഞ്ഞ വാക്കുകളാണ് ശ്രദ്ധ നേടുന്നത്.
പ്രലോഭിപ്പിക്കുന്ന പലതും തായ്‌ലന്റിലുണ്ടായിട്ടും തനിക്ക് ആത്മസംയമനം പാലിക്കാന്‍ കഴിഞ്ഞുവെന്നാണ് രജിത് പറയുന്നത്. അടുത്തിടെ തായ്‌ലന്റില്‍ പോയിരുന്നു. സെക്‌സ് ടൂറിസം ഏറ്റവും കൂടുതല്‍ പ്രമോട്ട് ചെയ്യുന്ന സ്ഥലമാണ്. ന്നെ അത് സ്വാധീനിച്ചില്ല. പക്ഷെ എല്ലാം കണ്ട് മനസിലാക്കാന്‍ പറ്റി. മനസിന്റെ പവര്‍ കൊണ്ടാണ് പ്രലോഭനങ്ങളില്‍ വീഴാതിരുന്നത്.
വാക്കിംഗ് സ്ട്രീറ്റിലൂടെ പോകുമ്പോള്‍ പ്രലോഭിപ്പിക്കാന്‍ ചില സുന്ദരികള്‍ വരും. അവര്‍ ചിലതൊക്കെ ഓഫര്‍ ചെയ്യും. അങ്ങനെയൊന്നും ഞാന്‍ കയറിയില്ല. പുറത്ത് നിന്ന് എല്ലാം കണ്ടു. കാര്യങ്ങള്‍ മനസിലാക്കി. എനിക്ക് പേടിയായിരുന്നു. ഇവര്‍ ഇങ്ങോട്ട് വന്ന് മുട്ടുമ്പോള്‍ നമുക്ക് ഭാഷയും അറിയില്ല, അവര്‍ അവരുടെ ഭാഷയിലാണ് സംസാരിക്കുന്നത്.
ഭയഭക്തി ബഹുമാനത്തോടെ ഞാന്‍ സ്ട്രീറ്റിലൂടെ നടന്നു. ചിലര്‍ പടങ്ങള്‍ കൊണ്ട് വന്ന് കാണിക്കും. ആയുര്‍വേദ മരുന്നുകളുടെ പടമായിരിക്കും എന്ന് കരുതി നാക്കിയപ്പോള്‍ ഞെട്ടിപ്പോയി. അശ്ലീല ചിത്രങ്ങളും ആക്ടുകളുമാെക്കെയാണ് പരസ്യമായി കാണിച്ചത്. ഈ ഷോകള്‍ ലൈവായി കാണിക്കാം എന്നാണവര്‍ പറയാം. ഷോ കാണാന്‍ താല്‍പര്യമില്ലായിരുന്നു.
കാണുന്നത് കൊണ്ട് തെറ്റുണ്ടെന്ന് ഞാന്‍ വിചാരിക്കുന്നില്ല. കാണുന്നതില്‍ നിന്നും മനസിനെ തിരിച്ച് വലിക്കാനുള്ള പവര്‍ നമ്മുടെ കുട്ടികള്‍ക്ക് മാതാപിതാക്കള്‍ കൊടുക്കണം. ഇത്തരം ജോലികള്‍ ചെയ്യുന്നവരെ താന്‍ ബഹുമാനിക്കുന്നുണ്ട്. അവരുടെ ജീവിതമാര്‍ഗമാണത് എന്നാണ് രജിത് കുമാര്‍ പറയുന്നത്.
