‘ലക്കി ഭാസ്‌കര്‍’ സിനിമയുടെ പ്രമോഷനുമായി ബന്ധപ്പെട്ട് നടന്‍ റാണ ദഗുബതിയുമായി ദുല്‍ഖര്‍ സല്മാന് നടത്തിയ ചാറ്റ് ഷോ വൈറലാകുന്നു. റാണയുടെ രസകരമായ തുറന്നു പറച്ചിലാണ് ശ്രദ്ധ നേടുന്നത്. സിനിമ വിശേഷങ്ങള്‍ പങ്കുവയ്ക്കുന്നതിനിടെ ദുല്‍ഖര്‍ സല്‍മാന്റെ തലമുടിയെ കുറിച്ചാണ് റാണ സംസാരിച്ചത്. തന്റെ മുടി വെപ്പ് ആണെന്നും റാണ പറയുന്നുണ്ട്.
ദുല്‍ഖര്‍ സല്മാന് മനോഹരമായ തലമുടി ഉണ്ടെന്നും താരത്തിന്റെ ഹെയര്‍ സ്‌റ്റൈല്‍ മികച്ചതാണ്. എങ്ങനെയാണ് ഇത്രയും നല്ല തലമുടി ഉള്ളത് എന്നാണ് റാണ ദുല്‍ഖറിനോട് ചോദിക്കുന്നത്. തന്റെ തലമുടിയെ കുറിച്ച് പ്രശംസിച്ച റാണയുടെ തലമുടിയും ഹെയര്‍ സ്‌റ്റൈലും ഗംഭീരമാണെന്ന് ദുല്‍ഖറും പറഞ്ഞു.
എന്നാല്‍ തന്റെ തലമുടി നിങ്ങളെ പോലെ നാച്ചുറല്‍ അല്ലെന്നും, പകുതിയും കൃത്രിമമായി വച്ച് പിടിപ്പിച്ചതാണെന്നുമായിരുന്നു റാണയുടെ മറുപടി. റാണയുടെ മറുപടി കേട്ട് അമ്പരപ്പെട്ടിരിക്കുന്ന ദുല്‍ഖറിനെയും വീഡിയോയില്‍ കാണാം. എന്നാല്‍ ഇക്കാര്യം തുറന്നു പറഞ്ഞ റാണയെ ദുല്‍ഖര്‍ അഭിനന്ദിക്കുകയും ചെയ്തു.
മലയാളികള്‍ പൊതുവെ വെളിച്ചെണ്ണ ഉപയോഗിക്കുന്നത് കൊണ്ടാവാം നല്ല തലമുടി ഉണ്ടാകുന്നത് എന്നും ദുല്‍ഖര്‍ കൂട്ടിച്ചേര്‍ത്തു. നടി മീനാക്ഷി ചൗധരിയും മുടിയെ കുറിച്ച് സംസാരിക്കുന്നുണ്ട്. താന്‍ കണ്ട മലയാളികള്‍ക്കെല്ലാം ഇടതൂര്‍ന്ന മുടിയുണ്ടെന്നും മലയാളികളുടെ മുടിയഴകില്‍ താന്‍ പലപ്പോഴും അസൂയപ്പെട്ട് പോയിട്ടുണ്ടെന്നുമാണ് മീനാക്ഷി പറയുന്നത്.