“നവരസ” ആന്തോളജിയിലെ പ്രിയദര്‍ശന്‍ സംവിധാനം ചെയ്ത സമ്മര്‍ ഓഫ് 92 ചിത്രത്തെ കുറിച്ച് നടി രമ്യ നമ്പീശന്‍. ചിത്രത്തില്‍ രമ്യ അവതരിപ്പിക്കുന്ന കഥാപാത്രത്തിന്റെ രണ്ടു കാലഘട്ടങ്ങള്‍ പറയുന്നുണ്ട്. കഥാപാത്രത്തിന്റെ യൗവനവും വാര്‍ധക്യവും അവതരിപ്പിക്കണം എന്ന് പറഞ്ഞപ്പോള്‍ തനിക്ക് ചെറിയ ആശയകുഴപ്പം ഉണ്ടായി എന്നാണ് രമ്യ നമ്പീശന്‍ പറയുന്നത്.
വയസായ കഥാപാത്രം ചെയ്യാന്‍ സാധിക്കുമോ എന്ന കാര്യത്തില്‍ ആശങ്ക ഉണ്ടായിരുന്നു. എന്നാല്‍ പ്രിയദര്‍ശന്‍ സര്‍ കംഫര്‍ട്ടബിള്‍ ആക്കിയെന്നും ഓരോ സീന്‍ ചെയ്യുമ്പോഴും ധൈര്യം പകര്‍ന്നു. അദ്ദേഹത്തോടൊപ്പം വര്‍ക്ക് ചെയ്യാന്‍ കഴിഞ്ഞത് മികച്ച ഒരു അനുഭവം തന്നെയായിരുന്നു എന്ന് രമ്യ ഒരു അഭിമുഖത്തില്‍ വ്യക്തമാക്കി.
സംവിധായകന്‍ മണിരത്‌നം നിര്‍മ്മിക്കുന്ന നവരസയില്‍ ഒന്‍പത് സംവിധായകരും പ്രമുഖ താരങ്ങളുമാണ് ഒന്നിക്കുന്നു. നവരസഭാവങ്ങളെ അടിസ്ഥാനമാക്കി ഒരുക്കുന്ന വെബ് സീരിസിനായി ഒരുക്കുന്നത്. അരവിന്ദ് സ്വാമി, ബിജോയ് നമ്പ്യാര്‍, ഗൗതം വാസുദേവ് മേനോന്‍, കാര്‍ത്തിക് സുബ്ബരാജ്, കാര്‍ത്തിക് നരേന്‍, കെവി ആനന്ദ്, പൊന്റാം, രതീന്ദ്രന്‍ പ്രസാദ്, ഹലിത ഷമീം എന്നിങ്ങനെ ഒന്‍പത് സംവിധായകരാണ് ഒന്നിക്കുന്നത്.
പാര്‍വതി തിരുവോത്ത്, അരവിന്ദ് സ്വാമി, വിജയ് സേതുപതി, സിദ്ധാര്‍ത്ഥ്, രേവതി, സൂര്യ, പ്രയാഗ മാര്‍ട്ടിന്‍, നിത്യ മേനന്‍, ഐശ്വര്യ രാജേഷ്, പൂര്‍ണ, റിതിക, ശരവണന്‍, അളകം പെരുമാള്‍, പ്രസന്ന, ബോബി സിംഹ, വിക്രാന്ത്, ഗൗതം കാര്‍ത്തിക്, പ്രകാശ് രാജ്, റോബോ ഷങ്കര്‍, രമേഷ് തിലക്, അശോക് സെല്‍വന്‍, സനന്ത്, വിധു എന്നിവരാണ് ഒമ്പത് സിനിമകളിലായി പ്രധാന വേഷങ്ങള്‍ ചെയ്യുന്നത്.