മോശം പെരുമാറ്റത്തിന് വളരെ വിമര്‍ശിക്കപ്പെട്ട സംവിധായകനാണ് സാജിദ് ഖാന്‍. അടുത്തിടെ നിരവധി സ്ത്രീകളാണ് ഇയാള്‍ക്കെതിരെ മീടു ആരോപണവുമായി രംഗത്തെത്തിയത്. ഒരിക്കല്‍ കോഫി വിത്ത് കരണില്‍ അതിഥിയായി എത്തിയപ്പോള്‍ ഐശ്വര്യ റായ്ക്കെതിരെ സാജിദ് പരാമര്‍ശം നടത്തിയിരുന്നു. ഇത് പിന്നീട് വലിയ വിവാദത്തിനിട നല്‍കുകയും ചെയ്തു.
ബെസ്റ്റ് പ്ലാസ്റ്റിക് സര്‍ജറി അവാര്‍ഡ് നല്‍കാന്‍ ആവശ്യപ്പെട്ടാല്‍ ആര്‍ക്കായിരിക്കും നല്‍കുക എന്ന കരണിന്റെ ചോദ്യത്തിന് ഇതിന് സജിദ് ഖാന്‍ പറഞ്ഞ മറുപടി അത് ഐശ്വര്യ റായ് ആയിരിക്കുമെന്നാണ്. ഐശ്വര്യയുടെ ചിരി പ്ലാസ്റ്റിക് ആണെന്നും സാജിദ് ഖാന്‍ പറഞ്ഞിരുന്നു.
സല്‍മാനെതിരേയും സാജിദ് ഖാന്‍ മോശം പരാമര്‍ശം നടത്തുന്നുണ്ട്. സല്‍മാന്‍ ഖാന്റെ കംപ്യൂട്ടല്‍ ഹാക്ക് ചെയ്യാന്‍ സാധിച്ചാല്‍ എന്തായിരിക്കും കാണാന്‍ സാധിക്കുക എന്ന ചോദ്യത്തിന് സാജിദ് നല്‍കിയ മറുപടി ഒരുപാട് സ്ത്രീകള്‍ എന്നായിരുന്നു.
പിന്നീട് സാജിദ് ഖാന്‍ ബിഗ് ബോസിലെത്തിയത് വലിയ വിമര്‍ശനങ്ങള്‍ക്ക് ഇടയാക്കിയിരുന്നു. ഇയാളെ പുറത്താക്കാന്‍ ആരോപണം ഉന്നയിച്ച നടിമാരടക്കം ആവശ്യപ്പെട്ടുവെങ്കിലും താരം ഇപ്പോഴും ഷോയുടെ ഭാഗമായി തുടരുകയാണ്.