ഹിറ്റ് ചിത്രങ്ങളിലൂടെ നിരവധി താരങ്ങളെ മലയാള സിനിമയ്ക്ക് സമ്മാനിച്ച സംവിധായകനാണ് സമദ് മങ്കട. ഇപ്പോഴിതാ തന്റെ സിനിമകളിലൂടെ നായകൻമാരായി മാറുകയും, പിന്നീട് ഒരു ഡേറ്റിനു വേണ്ടി താൻ പിറകെ നടക്കേണ്ടി വരുകയും ചെയ്ത താരങ്ങളെയും കുറിച്ച് സമദ് പറഞ്ഞ വാക്കുകളാണ് ശ്രദ്ധ നേടുന്നത്. മാസ്റ്റർ ബിൻ ചാനലിന് നൽകിയ അഭിമുഖത്തിലാണ് ഇക്കാര്യങ്ങളെക്കുറിച്ച് അദ്ദേഹം സംസാരിച്ചത്.
തന്റെ കിച്ചാമണി എന്ന ചിത്രത്തിലൂടെയാണ് ജയസൂര്യയും ബിജുമേനോനും ഹിറ്റായി മാറുന്നത്. ആ ചിത്രത്തിന് ശേഷം ഇരുവരുടേയും ഡേറ്റിനു വേണ്ടി താൻ പിറകെ നടന്നിരുന്നെങ്കിലും കിട്ടിയില്ലെന്നാണ് അദ്ദേഹം പറയുന്നത്.
കിച്ചാമണി എന്ന സിനിമയിൽ മാധ്യമ പ്രവർത്തകനായാണ് ജയസൂര്യ എത്തിയത്. അന്ന് അദ്ദേഹം സിനിമയിലെത്തിയിട്ടുണ്ടെങ്കിലും കാര്യമായ റോളുകൾ ഒന്നും കിട്ടി തുടങ്ങിയിട്ടില്ല. ബിജു മേനോനും അങ്ങനെ തന്നെയായിരുന്നു. സിനിമകൾ ചെയ്യുന്നുണ്ടായിരുന്നുവെങ്കിലും അഭിനയത്തിൽ ഒരു ബ്രക്ക് കിട്ടിയത് കിച്ചാമണി എന്ന ചിത്രത്തിന് ശേഷമാണ്.
പിന്നീട് ഇരുവർക്കും കൂടുതൽ സിനിമ കിട്ടുകയും ഇരുവരും കൂടുതൽ തിരക്കുകളിലേയ്ക്ക് മാറുകയും ചെയ്തു എന്നും അദ്ദേഹം പറഞ്ഞു. പക്ഷേ നല്ല സ്നേഹമുള്ളവരാണ് ഇരുവരും, നമ്മുക്ക് ഒരു പരിഗണന ഇന്നും അവർ താരാറുണ്ടെന്നും അദ്ദേഹം പറഞ്ഞു. ഇന്നും ബിജു മേനോൻ്‍റെ ഒരു ഡേറ്റ് കിട്ടിയാൽ താൻ ഇന്നും സിനിമ ചെയ്യാൻ തയ്യാറാണെന്നും സമദ് കൂട്ടിച്ചേർത്തു