പ്രേക്ഷകർക്ക് പ്രിയപ്പെട്ട താരമാണ് സാമന്ത. വിവാഹമോചനവും, മയോസൈറ്റിസ് രോഗം ബാധിച്ചതും താരത്തെ തളർത്തിയിരുന്നു. തെന്നിന്ത്യൻ സിനിമ ലോകം ഏറ്റവും കൂടുതൽ ആഘോഷമാക്കിയ താരവിവാഹങ്ങളിൽ ഒന്നായിരുന്നു സാമന്ത- നാഗ ചൈതന്യ ദമ്പതികളുടെ പ്രണയവിവാഹം. 2017 ഒക്ടോബർ 6-നായിരുന്നു ഇരുവരുടെയും വിവാഹം. എന്നാൽ നാല് വർഷങ്ങൾക്ക് ശേഷം 2021-ൽ ഇരുവരും വേർപിരിയുകയുണ്ടായി. ഇപ്പോഴിതാ ആത്മീയതയെ കുറിച്ച് സംസാരിക്കുകയാണ് സാമന്ത. ആത്മീയത എന്നത് തന്റെ ജീവിതത്തിലെ അവിഭാജ്യ ഘടകമാണെന്നാണ് സാമന്ത പറയുന്നത്.
“നമ്മുടെ ജീവിതത്തെക്കുറിച്ചുള്ള ചില കാര്യങ്ങൾ മാറ്റാൻ ഞങ്ങൾ എല്ലാവരും ആഗ്രഹിക്കുന്നു, ഞാൻ അനുഭവിച്ച ചില കാര്യങ്ങളിലൂടെ കടന്നുപോകേണ്ടിയിരുന്നോ എന്ന് ഞാൻ ചിലപ്പോൾ ചിന്തിക്കാറുണ്ട്. എന്നാൽ തിരിഞ്ഞു നോക്കുമ്പോൾ എനിക്ക് ആ സമയത്ത് മറ്റൊരു വഴിയും ഇല്ലായിരുന്നു.
ഞാൻ കുറച്ച് മുമ്പ് എൻറെ സുഹൃത്തുമായി ഇത് ചർച്ച ചെയ്യുകയായിരുന്നു. കഴിഞ്ഞ മൂന്ന് വർഷം തന്നെ ഉണ്ടാകരുതായിരുന്നു എന്നാണ് ഞാൻ ചിന്തിച്ചത്. എന്നാൽ ഇപ്പോൾ എനിക്ക് തോന്നുന്നു, ജീവിതം നിങ്ങൾക്ക് മുന്നിൽ വയ്ക്കുന്ന സാഹചര്യം നിങ്ങൾ നേരിടണമെന്ന്. നിങ്ങൾ അതിൽ നിന്ന് പുറത്തുവരുന്ന കാലം നിങ്ങൾ വിജയിച്ചു. ഞാൻ അത്തരം അവസ്ഥ കടന്നതോടെ ശക്തയായി എന്നാണ് തോന്നുന്നത്. ഞാൻ ഇവിടെയെത്താൻ തീയിലൂടെയാണ് കടന്ന് വന്നത്. അത് എനിക്കൊരു ആത്മീയ ഉണർവ് തന്നെ നൽകി.
ആത്മീയത എൻറെ വ്യക്തിപരമായ വളർച്ചയിൽ വളരെ അവിഭാജ്യമായ കാര്യമാണ്. അത് എൻറെ ജോലിയിലേക്കും സ്വാധീനമുണ്ടാക്കുന്നുണ്ട്. ആത്മീയത ജീവിതത്തിൻറെ എല്ലാ വശങ്ങളെയും സ്വാധീനിക്കുന്നു. ആശയവിനിമയം, ധാരണ, മാനസിക സംഘർഷം കൈകാര്യം ചെയ്യൽ… പല പ്രതിബന്ധങ്ങളെയും തരണം ചെയ്യാൻ എല്ലാം എന്നെ സഹായിക്കുന്നത് ആത്മീയതയാണ്. ഇന്നത്തെ ലോകത്ത് എന്നത്തേക്കാളും ആത്മീയത ആവശ്യമാണ്, കാരണം വളരെയധികം വേദനയും രോഗവും ഉണ്ട്. ആത്മീയത നിങ്ങളുടെ ഉറ്റ ചങ്ങാതിയും ശക്തിയുടെ അനന്തമായ ഉറവിടവുമാകുമെന്ന് ഞാൻ വിശ്വസിക്കുന്നു.” എന്നാണ് അടുത്തിടെ ഒരു അഭിമുഖത്തിൽ സാമന്ത പറഞ്ഞത്.