ഷാജി കൈലാസ് ചിത്രം കടുവയില്‍ നായികാവേഷം കൈകാര്യം ചെയ്തതിന്റെ സന്തോഷത്തിലാണ് നടി സംയുക്താ മേനോന്‍. കടുവയ്ക്ക് മികച്ച പ്രതികരണങ്ങളാണ് എങ്ങു നിന്നും ലഭിച്ചുകൊണ്ടിരിക്കുന്നത്.
ഇപ്പോഴിതാ ചിത്രത്തിന്റെ പ്രമോഷന്റെ ഭാഗമായി ് സംയുക്ത ശ്രീകണഠന്‍ നായരുടെ ഫ്ളവേഴ്സ് ഒരു കോടി എന്ന ഷോയില്‍ പങ്കെടുത്ത് സംസാരിച്ച കാര്യങ്ങള്‍ വീണ്ടും സോഷ്യല്‍മീഡിയയില്‍ ആരാധകര്‍ പങ്കുവെച്ചിരിക്കുകയാണ്. തീവണ്ടിയില്‍ ടൊവീനോയ്‌ക്കൊപ്പം അഭിനയിച്ചതിനെക്കുറിച്ചും അതിലെ തല്ലുന്ന രംഗത്തെക്കുറിച്ചും നടി പറയുന്നതിങ്ങനെ.
സിനിമയില്‍ ടൊവിനോ തോമസ് പുക വലിച്ചതിന് തല്ലുന്ന രംഗം പലതും യഥാര്‍ത്ഥമാണ്. പത്ത് പതിനഞ്ച് പ്രാവശ്യം ഞാന്‍ ടൊവിനോടെ തല്ലിയിട്ടുണ്ട്. യഥാര്‍ത്ഥജീവിതത്തിലും അങ്ങനെ ഒരാളെ തല്ലേണ്ടതായി വന്നിട്ടുണ്ട്. പക്ഷെ അത് തെറ്റായിപ്പോയി എന്ന് എനിക്ക് പിന്നീട് തോന്ന്. അത് ആ പ്രായത്തിന്റെ പക്വത കുറവ് ആയിരുന്നു.
എന്റെ അമ്മയ്ക്ക് ശ്വാസം മുട്ട് ഉണ്ട്. അമ്മയുടെ മുന്നില്‍ നിന്ന് പുക വലിച്ചപ്പോള്‍ അയാളോട് ആദ്യം മാന്യമായ രീതിയില്‍ അമ്മ പറഞ്ഞു. പക്ഷെ അയാള്‍ പിന്നീട് ഒരു അഹങ്കാരത്തോടെ വീണ്ടും പുക ഊതി വിട്ടപ്പോള്‍ ഞാന്‍ തല്ലുകയായിരുന്നു. പക്ഷെ അപ്പോള്‍ അവിടെ അങ്ങനെയായിരുന്നില്ല പ്രതികരിക്കേണ്ടിയിരുന്നത്. അത് തെറ്റാണ് എന്ന് ഞാന്‍ അംഗീകരിയ്ക്കുന്നു. പൊതു സ്ഥലത്ത് അങ്ങനെ ആയിരുന്നില്ല പ്രതികരിക്കേണ്ടിയിരുന്നത്. അവര്‍ പറഞ്ഞു.