തനിക്കെതിരെ സോഷ്യല്‍മീഡിയയില്‍ ഉയര്‍ന്ന വിമര്‍ശനങ്ങള്‍ക്ക് മറുപടിയുമായി ശാന്തിവിള ദിനേശ്. അടൂരിനെ വിമര്‍ശിച്ച് സംസാരിക്കുമ്പോളാണ് ശാന്തിവിള ഇക്കാര്യം സൂചിപ്പിച്ചത്. ‘ഞാനിതൊക്കെ പറയുമ്പോള്‍ ചിലര്‍ പറയും നിനക്ക് അടൂരിന്റെ സിനിമയില്‍ അഭിനയിക്കാന്‍ പറ്റുമോ കിട്ടാത്ത കൊതിക്കെറുവല്ലേ പറയുന്നു എന്ന്.

നമ്മള്‍ സത്യം പറയുന്നു. യാഥാര്‍ത്ഥ്യം പറയുന്നു. സ്ഥിരമായി ഒരു ചായക്കടയില്‍ നിന്ന് ഓംലെറ്റ് കഴിക്കുന്ന ഞാന്‍ ഒരു ദിവസത്തെ ചീമുട്ട കൊണ്ടുള്ള ഓംലെറ്റ് കിട്ടിയാല്‍ കൊള്ളില്ലെന്ന് പറയുമ്പോള്‍ എന്നാല്‍ നിനക്ക് ഉണ്ടാക്കരുതോ എന്ന് ചോദിക്കുന്നത് പോലെ ഒരുപാട് പേര്‍ ചോദിക്കുന്നു’സംവിധായകന്‍ പറഞ്ഞു.

‘നീ മറ്റേ ബംഗ്ലാവില്‍ ഔത എന്ന പൊട്ട പടം അല്ലേ എടുത്തത്. നിനക്കിത് പോലെ ചെയ്യാന്‍ പറ്റുമോ അത് പോലെ ചെയ്യാന്‍ പറ്റുമോ എന്നൊക്കെ ചോദിച്ച് സംതൃപ്തി അടയുന്നു. അവരോട് ഞാന്‍ പറയുന്നത്, ഞാനെന്റെ ശരികളും ചിന്തകളും പറയുന്നു.

അത് വെച്ചോണ്ട് തിരിച്ച് ചോദിച്ചാല്‍ പോടാ പുല്ലേ എന്ന് ഞാന്‍ പറയും. ഞാനതിനൊന്നും മറുപടി പറയാന്‍ പോവുന്നില്ല,’ ശാന്തിവിള ദിനേശന്‍ കൂട്ടിച്ചേര്‍ത്തു.

മോ??ഹന്‍ലാലിനെക്കുറിച്ച് അടൂര്‍ ഗോപാലകൃഷ്ണന്‍ നടത്തിയ പ്രസ്താവന വിവാദമായിരിക്കുകയാണ്. ഈ പശ്ചാത്തലത്തിലാണ് ശാന്തിവിള അടൂരിനെതിരെ രംഗത്ത് വന്നത്.