പ്രശാന്തിനെ നായകനാക്കി ത്യാഗരാജൻ സംവിധാനം ചെയ്യുന്ന ചിത്രമാണ് ‘അന്ധാഗൻ’. കഴിഞ്ഞദിവസമാണ് ചെന്നൈയിൽ വെച്ച് നടന്ന ചടങ്ങിൽ നടൻ വിജയ് ചിത്രത്തിന്റെ ഓഡിയോ ലോഞ്ച് നടത്തിയത്. എന്നാൽ ഇപ്പോഴിതാ അന്ധാഗൻ ടീമിനെതിരെ രംഗത്തുവന്നിരിക്കുകയാണ് സംഗീത സംവിധായകൻ സന്തോഷ് നാരായണൻ.
താൻ സംഗീതം നൽകിയതിൽ നിന്നും വ്യത്യസ്തമായാണ് ചിത്രത്തിന്റെ പ്രൊമോ ഗാനം പുറത്തുവിട്ടിരിക്കുന്നതെന്നാണ് സന്തോഷ് നാരായണൻ ആരോപിക്കുന്നത്. സോണി മ്യൂസിക് സൗത്തിന്റെ എക്സ് പോസ്റ്റ് പങ്കുവെച്ചുകൊണ്ടാണ് സന്തോഷ് നാരായണൻ ആരോപണം ഉന്നയിച്ചത്.
“ചരിത്രത്തിലാദ്യമായി ഒരു ഓഡിയോ ലേബൽ കാഴചയില്ലാത്ത കഥാപാത്രത്തെ അവതരിപ്പിച്ചിരിക്കുന്നു. അന്ധാഗൻ ആന്തം എന്ന പേരിൽ ഇപ്പോഴെത്തിയിരിക്കുന്നത് ഞാൻ സംഗീതം നൽകിയ ഗാനമല്ല, കൂടാതെ ഞാൻ ചെയ്ത ഗാനത്തിലെ വരികളോ അറേഞ്ച്മെന്റോ മിക്സോ അല്ല ഇപ്പോൾ പുറത്തെത്തിയ ഗാനത്തിലുള്ളത്.” എന്നാണ് സന്തോഷ് നാരായണൻ എക്സിൽ കുറിച്ചത്.
For the first time in history, the audio label is also playing a blind character – method acting ? . FYI I don’t charge a fee to check if the actual music/lyric/arrangement/mix/master is actually mine . All The Best Of Luck 😂😂 https://t.co/i7rWKBFQ9N pic.twitter.com/iMq0dhxmfj
— Santhosh Narayanan (@Music_Santhosh) July 24, 2024
Read more
അതേസമയം മ്യൂസിക് ഡയറക്ടർ ക്രെഡിറ്റ് സന്തോഷ് നാരായണന് തന്നെയാണ് സോണി മ്യൂസിക് നൽകിയിരിക്കുന്നത്. അനിരുദ്ധ് രവിചന്ദർ, വിജയ് സേതുപതി എന്നിവർ ചേർന്നാണ് ഗാനം ആലപിച്ചിരിക്കുന്നത്. 2018-ൽ പുറത്തിറങ്ങിയ അന്ധാധുൻ എന്ന ചിത്രത്തിന്റെ തമിഴ് റീമേക്കാണ് അന്ധാഗൻ. പ്രിയാ ആനന്ദ്, സിമ്രാൻ, കാർത്തിക്, സമുദ്രക്കനി, ഉർവശി, യോഗി ബാബു, കെ.എസ്. രവികുമാർ, വനിതാ വിജയകുമാർ, മനോബാല തുടങ്ങിയവരാണ് ചിത്രത്തിലെ പ്രധാന താരങ്ങൾ.
