സംവിധായകനും തിരക്കഥാകൃത്തുമായ ലോഹിതദാസിനോട് മഞ്ജു വാര്യര്‍ കള്ളം പറയാറുണ്ടെന്ന് തുറന്നു പറഞ്ഞ് സത്യന്‍ അന്തിക്കാട്. തൂവല്‍ കൊട്ടാരം, ഇരട്ട കുട്ടികളുടെ അച്ഛന്‍ എന്നീ സിനിമകള്‍ ചെയ്യുന്ന സമയത്ത് മഞ്ജുവിന് അധികം വായനയില്ലായിരുന്നു എന്നാല്‍ ഇന്ന് താരം മാറിപ്പോയി എന്നാണ് സത്യന്‍ അന്തിക്കാട് പറയുന്നത്.
പണ്ട് തൂവല്‍ കൊട്ടാരവും ഇരട്ട കുട്ടുകളുടെ അച്ഛനുമൊക്കെ ചെയ്യുന്ന കാലത്ത് മഞ്ജുവിന് അധികം വലിയ വായന ഒന്നും ഇല്ലായിരുന്നു. നൃത്തവും പാട്ടുമൊക്കെയായിരുന്നു അന്നത്തെ പ്രധാനപ്പെട്ട വിഷയം. അന്ന് ലോഹിതദാസ് വായിക്കാനായി ചില പുസ്തകങ്ങളൊക്കെ കൊണ്ട് വന്ന് മഞ്ജുവിന് കൊടുക്കുമായിരുന്നു.
എന്നിട്ട് കുറച്ച് ദിവസങ്ങള്‍ക്ക് ശേഷം വായിച്ചോ എന്ന് ചോദിക്കുമ്പോള്‍ വായിച്ചുവെന്ന് കള്ളം പറയും. എന്നിട്ട് തന്റെ മുഖത്ത് നോക്കി കണ്ണടച്ച് കാണിക്കുമായിരുന്നു എന്നാണ് പഴയ ഓര്‍മ്മ പങ്കുവെച്ച് കൊണ്ട് സത്യന്‍ അന്തിക്കാട് പറയുന്നത്. എന്നാല്‍ ഇന്ന് അതില്‍ നിന്നൊക്കെ മഞ്ജു ഒരുപാട് മാറി.
അഭിനയത്തില്‍ നിന്ന് എടുത്ത ഇടവേള മഞ്ജുവില്‍ ഒരുപാട് മാറ്റമുണ്ടാക്കി എന്നും അദ്ദേഹം കൂട്ടിച്ചേര്‍ത്തു. കൈരളി ടിവിയില്‍ ഒരു പരിപാടിയില്‍ മഞ്ജു അതിഥിയായി എത്തിയപ്പോഴാണ് നടിയുടെ മാറ്റത്തെ കുറിച്ചും ചെറിയ കുസൃതിയെ കുറിച്ചും സംവിധായകന്‍ വെളിപ്പെടുത്തിയത്.