താന്‍ ഇപ്പോഴും അനുഭവിച്ചു കൊണ്ടിരിക്കുന്ന പ്രശ്‌നങ്ങളെ തുറന്നു പറഞ്ഞ് നടി ശാലിനി പാണ്ഡെ. ‘അര്‍ജുന്‍ റെഡ്ഡി’ എന്ന ചിത്രത്തിലൂടെ ശ്രദ്ധ നേടിയ താരമാണ് ശാലിനി പാണ്ഡെ. സിനിമാ രംഗത്തെ പരിചയക്കുറവ് കാരണം തന്റെ മാനേജര്‍ അത് മുതലെടുക്കുകയും ചെയ്തു എന്നാണ് ശാലിനി ഇപ്പോള്‍ വെളിപ്പെടുത്തിയിരിക്കുന്നത്.
”അന്ന്എനിക്കെതിരെ കടുത്ത ബോഡി ഷെയ്മിംഗ് ഉണ്ടായിരുന്നു. ഇന്‍ഡസ്ട്രിയില്‍ ഞാന്‍ പുതിയ ആളായിരുന്നു. സൗത്തിലെ ഭാഷയും എനിക്ക് അറിയില്ലായിരുന്നു. എന്റെ അനുഭവക്കുറവ് എന്റെ മുന്‍ മാനേജര്‍ മുതലെടുത്തു. ഞാന്‍ ഒട്ടും കംഫര്‍ട്ടബിള്‍ അല്ലാതിരുന്ന പലതും എന്നെക്കൊണ്ട് ചെയ്യിപ്പിച്ചു” എന്നാണ് ശാലിനി പറയുന്നത്.
തനിക്ക് നിരന്തരം ബോഡി ഷെയ്മിംഗ് നേരിടേണ്ടി വന്നുവെന്നാണ് ശാലിനി പറയുന്നത്. ”അത്ലറ്റിക് ആയിരുന്നിട്ടും എനിക്ക് ബോഡി ഷെയ്മിംഗ് നേരിടേണ്ടി വന്നു. ഞാന്‍ സ്പോര്‍ട്സിലൊക്കെ പങ്കെടുത്തിരുന്ന ആളാണ്. ഇപ്പോഴും ആളുകള്‍ എന്നെ കളിയാക്കാറുണ്ട്. എന്താണ് ആളുകള്‍ തന്നില്‍ നിന്നും പ്രതീക്ഷിക്കുന്നത് എന്ന് എനിക്ക് മനസിലാക്കാന്‍ സാധിച്ചിരുന്നില്ല.”
അതേസമയം, അര്‍ജുന്‍ റെഡ്ഡി എന്ന ചിത്രത്തിന് ശേഷം മേരി നിമ്മോ എന്ന സിനിമയിലൂടെ ശാലിനി ബോളിവുഡിലും അരങ്ങേറ്റം കുറിച്ചിരുന്നു. രണ്‍വീര്‍ സിംഗ് ചിത്രം ജയേഷ്ഭായ് ജോര്‍ദാര്‍ എന്ന സിനിമയിലും ശാലിനിമ അഭിനയിച്ചിട്ടുണ്ട്. ആമിര്‍ ഖാന്‍ പുത്രന്‍ ജുനൈദ് ഖാനൊപ്പമുള്ള മഹാരാജ് ആണ് ശാലിനിമയുടെതായി റിലീസ് ചെയ്ത ഏറ്റവും പുതിയ ചിത്രം.
