സിനിമയിൽ സമാനതകളില്ലാത്ത കരിയർ ആണ് ഷാരൂഖ് ഖാന്റെത്. മികച്ച സിനിമകൾ ചെയ്യുന്നതിലൂടെ വലിയ സാമ്പത്തിക നേട്ടമുണ്ടാക്കുന്ന സ്റ്റാർ ആയും ഷാരൂഖ് എന്നേ വളർന്നു കഴിഞ്ഞു.
ഇപ്പോഴിതാ തന്റെ ഏറ്റവും വലിയ സ്വപ്നത്തെ കുറിച്ച് സംസാരിക്കുകയാണ് ഷാരൂഖ് ഖാൻ. തനിക്ക് ഇനി ഒരു മുപ്പത്തിയഞ്ച് വർഷം കൂടി ബാക്കിയുണ്ടെന്നും അതിനുള്ളിൽ ലോകം അറിയുന്ന ഒരു സിനിമ ചെയ്യണമെന്നും ഷാരൂഖ് ഖാൻ പറയുന്നു.
നേരത്തെ ഡാനി ബോയൽ സംവിധാനം ചെയ്ത ‘സ്ലംഡോഗ് മില്യണയർ’ എന്ന ചിത്രത്തിൽ തനിക്ക് അവസരം ലഭിച്ചിരുന്നുവെന്നും എന്നാൽ വളരെ ചെറിയ വേഷമായതിനാൽ അത് നിരസിക്കേണ്ടിവന്നുവെന്നുമാണ് ഷാരൂഖ് പറയുന്നത്.
“എനിക്ക് എൻ്റെ കരിയർ അവസാനിപ്പിക്കണം, ആ അവസാനം വളരെ അകലെയാണെങ്കിലും, എനിക്ക് 35 വർഷം കൂടി ഇനി ബാക്കിയുണ്ട്. ലോകം മുഴുവൻ ഇഷ്ടപ്പെടുന്ന ഒരു സിനിമയുടെ ഭാഗമാകണം. പിന്നെ ഇത്രയും വലിയ വേദിയിൽ ആരും എന്നോട് ചോദിക്കരുത്.
എന്തുകൊണ്ട് ഞാൻ ലോകമെമ്പാടും അറിയപ്പെടുന്ന ഒരു സിനിമ ചെയ്തില്ല എന്ന്, കാരണം ആ സിനിമ എന്നെ മറികടക്കുന്നതാകണം. അതാണ് എൻ്റെ സ്വപ്നം.” ദുബായിയിൽ നടന്ന വേൾഡ് ഗവൺമെന്റ് സമ്മിറ്റിൽ വെച്ചാണ് ഷാരൂഖ് തന്റെ സ്വപ്നാടത്തെ പറ്റി സംസാരിച്ചത്.