പത്താന് സിനിമയ്ക്ക് മുന്നോടിയായുള്ള ട്വിറ്റര്‍ ചോദ്യങ്ങള്‍ക്ക് മറുപടി പറഞ്ഞ് ബോളിവുഡ് സൂപ്പര്‍ താരം ഷാരുഖ് ഖാന്‍. നടന്റെ പുതിയ ചിത്രം പത്താന് ഇതിനകം തന്നെ തകര്‍ന്നുവെന്നും സിനിമയില്‍ നിന്നും വിരമിക്ക് എന്നുമായിരുന്നു ഒരു വിമര്‍ശകന്റെ കമന്റ്. ഇതിന് നടന്റെ മറുപടി ”കുട്ടീ, ഇങ്ങനെയല്ല മുതിര്‍ന്നവരോട് സംസാരിക്കേണ്ടതെന്നായിരുന്നു.
പത്താന് കാണുന്നതിന്റെ ഉദ്ദേശ്യലക്ഷ്യം എന്താണെന്നായിരുന്നു ് മറ്റൊരാളുടെ ചോദ്യം. ”ദൈവമേ, മനുഷ്യര്‍ വളരെ ആഴമുള്ളവരാണ്. ജീവിതത്തിന്റെ ഉദ്ദേശ്യം എന്താണ്? ക്ഷമിക്കണം. ഞാന്‍ അതുപോലെ അത്തരത്തില്‍ ആഴത്തില്‍ ചിന്തിക്കുന്ന ഒരാളല്ല”, എന്നാണ് ഷാരുഖ് ഖാന്റെ മറുപടി.
താങ്കളുടെ കുടുംബവേരുകള്‍ കശ്മീരിലല്ലേ? പിന്നെ എന്തിനാണ് പേരിനു പുറകില്‍ ഖാന്‍ എന്ന് ചേര്‍ക്കുന്നതെന്നായിരുന്നു ഒരാളുടെ സംശയം. അതിനും എസ്ആര്‍കെ ശൈലിയില്‍ മറുപടിയെത്തി ”ഈ ലോകമാണ് എന്റെ കുടുംബം. കുടുംബപ്പേരുകള്‍ വച്ചല്ല ഒരാള്‍ തന്റെ പേരിലൂടെ പ്രശസ്തനാകുന്നത്. അയാള്‍ അത് കണ്ടെത്തുന്നത് കഠിനാദ്ധ്വാനത്തിലൂടെയാണ്”.
നാല് വര്‍ഷത്തെ ഇടവേളയ്ക്ക് ശേഷം എത്തുന്ന ഷാരുഖ് ഖാന്‍ ചിത്രം എന്നതാണ് പത്താന് പ്രതീക്ഷ നല്‍കുന്നത്. സിദ്ധാര്‍ഥ് ആനന്ദാണ് പത്താന് സംവിധാനം ചെയ്യുന്നത്. ദീപിക പദുക്കോണ്‍ നായികയായും ജോണ്‍ ഏബ്രഹാം വില്ലനായതും ചിത്രത്തില്‍ വേഷമിടുന്നു. ജനുവരി 25 ന് പത്താന് റിലീസ് ചെയ്യും.